Wongeela Luqaas 9:1 - WAADAA LAMMATAA

¹ Yesuus ergamtoota ufii kudha lamaanuu wolitti waamee, jinniiwwan maraa akka baasan, dhibeellee akka fayyisan hunnaa fi baallii isaanii kenne.

Waadaa Haarawa

¹ Yesus ergamittoota isaa kudha lamaan gara isaa waamee, huminna jinniiwwan baasu'uutii fi dhibee mara fayyisu'uuf'llee aangoo isaaniif ni kenne.

Kitaaba Woyyuu

¹ Yesuus ergamtoota ufii kudha lamaanuu wolitti waamee, akka jinniiwwan maraa baasan, akka dhibeellee fayyisan hunnaa fi baallii isaanii kenne.

Wongeela Luqaas 9:1 Referans Kwoze

Wongeela Yohaannis 14:12

Dhugama dhuga'aatiin isiniin jedha, ka natti amanu hujii ani hojjadhu hojjata; ka san caalu hojjata.

Wongeela Luqaas 10:19

Bofaa fi buutii akka irra ijjattan hunna diina maraa irratti baallii isinii kenneera. Wonti isin miidhu womtuu hin jiru.

Hujii Ergamootaa 4:30

Fayyisu'uuf harka kee yoo diriirsite hennaa maqaa Ilma kee woyyicha Yesuusiitiin maalaleenii fi baafni ta'u hojjattoonni tee akka karaa ifa ta'een dubbii kee guutuu akka dubbatan isaanii kenni.

Wongeela Maatewos 16:19

Ani Bantuu jeennata sami'ii sii kenna. Wonti ati lafarratti hiite maruu sami'ittillee ka hidhame ta'a. Ka lafarratti ati hiittu maruu sami'ittillee hin hiikkama» jedhe

Hujii Ergamootaa 1:8

Haata'uu ammoo Ayyaanni Woyyuun hennaa isin irratti bu'e, hunna argattan; Yerusaalemii fi Yihuudaa maraatti Samaariya'aa haga daangaa lafaa ragaa kiyya taatan» jedhe.

Hujii Ergamootaa 9:34

Pheexroosillee, «Eniyaa, Yesuus Kiristoos si fayyiisaa ol ka'iitii, ufumaa sirree tee afadhu» jedhe. Innillee Yomasan ka'e.

Hujii Ergamootaa 3:16

Maqaa isaatitti amanu'uun ka argitanii fi ka beettan maqaa isaa jabeessee dhaabe. Amantaa isatti amanu'uu kanatu afoo keessan maratti fayyaa guutuu kana isaa kenne.

Wongeela Maatewos 4:24

Gurri isaallee biyya Sooriya'aa maratti dhagayame. Kanaafuu worra dhibamanii, dhukkuba adda addaatiin rakkatan, worra jinniin qabeeru, worra dhukkuba gaggabdo'oo qabanii fi ka qaamni isaanii laamshaye maraa gara isaa fidan. Yesuusillee isaan fayyise.

Wongeela Maatewos 8:9

Ani mataan kiyyaa abbootii baallii qaban jala jira. Loltoota uf jalatti bulchu qaba. Tokkoon deemi yoo jedheen, innillee hin deema. Kaaniin ammoo koottu yoo jedheen, innillee hin dhufa. Hojjataa kiyyaan kana hujii yoo jedheen, innillee hin hojjata.

Wongeela Luqaas 10:1

Achiin maayessa Gooftaan namoota biraa torbaatamii lama muudee gara qacha'aa fi hulee ufii dhaqu'uuf ta'u maraa lama lama godhee isaan erge.