Markga 9:31 - Winnebego Bible Portions 1907

³¹ Egi wironag warnira washa wagigus‐shana egi wawagena: Wankshig‐hinigra wankshig nab‐eja horushjarehirekjanena, egi d’ehirekjanena, egi d’ehiranaga hageja hamb hidanihangi kikawa‐ankjanena.

Markga 9:31 Referans Kwoze

Matthaiga 16:21

Epa Jesus wironag warnira wawogiragshana, jasgegi Jerusalem‐eja howaranaga egi washara rohaxji hawekjanegi, xetera wauinekjanena egi nabhoruxaj‐hirukana hungra egi Wowagax‐hiperesra, egi d’ehirekjanegi egi hamb hidani‐hangi shige kikawa‐akjanegi.

Markga 9:12

Egi horniharna egi wawogiragshana, hisgexjina Elias jorni jikjanena egi washara harnaj shige waphiunkjanena. Egi Wankshig‐hinigra jagu higaire wagaxankshe, washara roha jasgegi hawekjanena, egi inke washanisha hikisge‐hiranikjanena.

Markga 8:31

Egi washa wagigus‐jirena, Wankshig‐hinigra jasgegi washara roha hawekjanena, egi xetera egi nabhoruxaj hirukana hungra egi wowagax‐hiperesra wajis‐hirekjanegi, egi d’ehirekjanegi egi hamb hitanihainja niaimbkjanena.

Lukga 24:26

Inke washa de‐e Kristus hawegi phininashe, egi gloria harnieja hoikawarnashe?

Matthaiga 26:2

Hirapereswina nupahangi Pasxa worujra herekjanera, egi Wankshig‐hinigra himarag‐hirekjanena naramiheja haisarajhirekjege.

Matthaiga 20:28

Wankshig‐hinigra una shesge, E inke wagirairekje waunjinina eshi wawagirekje, egi wankshig‐hoi harnira wogarna roha hikikuruwi hiuine.

Johnga 10:18

Inkisha wankshighoira hingirusnikjanena, eshi wankshighoi harnira eegi nexji hakarat’umbshana. Homashja harnira wankshighoira eegi hakarat’umbshana egi homashja harnira shige wankshighoira hakuruskjanena. Uwashi de‐e Jajiga eja hodussana.

Johnga 3:14

Egi Mosesga ura hisgera wakhaisha wangeja howaara mojainainja, shesgegigiregi Wankshig‐hinigra wangeja howa‐ainegi phinana.

Johnga 2:19

Jesus horniharna egi wawagena: Wohokhuhojhixete de‐e maisinsh‐hiwire egi hambra danihangi rojahakanagnana.

Lukga 9:44

Hoit’e de‐e nuxhopox washiniwieja nihe wahiwiaje: Wankshig‐hinigra wankshigeja rushjarehirekjanena.

Matthaiga 27:63

Wairena: Hirukanara, hiapereswina waishjanke she‐e niambjanegi wena: Hambra danihangi shige hakikawa‐ankjanena.

Markga 10:34

Egi igixja hirekjanena, egi washa pahi higipsinsh hirekjanena, egi hashoirekjanena egi d’ehirekjanena, egi hamb‐hidanihainja kikawa‐ankjanena.