Markga 8:35 - Winnebego Bible Portions 1907

³⁵ Higu peshe wankshig‐hoira niamb‐khingi wankshig‐hoira xawarni‐karagikjanena, egi higu peshe wankshig‐hoira xawarni‐karagigi rash harnira hawau egi woragphira hawau e wankshig‐hoi harnira niamb‐karagikjanena.

Markga 8:35 Referans Kwoze

Lukga 17:33

Higu peshe rora hornigi niamb‐karaginaingi, xawarnikjanena. Egi higu peshe wankshighoina xawarnikaragigi, wankshighoi kiruxuruigkjanena.

Matthaiga 16:25

Higu peshe wankshighoi harnira niambkhingi, wankshighoira xawarnikaragikjanena, egi higu peshe wankshighoira xawarnikaragigi rash harnira hawau, wankshig‐hoira hik’ekjanena.

Matthaiga 19:29

Egi jarnaga jhira egi wakhinubra egi hinugwajabra egi hianjra egi hiunira egi hijawira egi ninkjangnigra egi mara wat’unegi rash harnira hawau waungi, hogihisha hawinjeja hirogiwekjanena, egi wankshig‐hoi hisgejara harnikjanena.

Matthaiga 10:39

Hisha wankshig‐hoira hik’egi xawanihikjanena, egi hisha wankshig‐hoira xawani‐karagigi Ne hawau‐waungi hik’ekjanena.

Hoixgara 9:16

Washa rokana hagiguiskjanena e rash harnira hawau hawekjanena.

Lukga 9:24

Egi higu peshe wankshig‐hoina hikarashishighi, xawarni karagikjanena, eshi higu peshe wankshig‐hoira xawarnikaragigi Ne‐hawau waungi, e wankshiginkjanena.

Matthaiga 10:22

Egi wankshigra harnaj hornishig‐hirekjanihawina rash harnira hawau. Eshi hisha hoshejainja hipa hiwarnuxshagi hiungi niaimbkjanena.

Hoixgara 21:13

Egi Paulus horniharna: Jagu sh’uwingaja raxaxwishe egi najge wojhi hinawi? Hauna‐ianjena inke rusgij hierashana eshi shige jekjanena Jerusalem‐eja Hirukanara Jesus rash harnira hawau.

Hoixgara 20:24

Eshi washa de‐e inkisha naxirewinijena, inke shige wankshighoi harnira wakaragixetenina, hornag harnira wogishawa hiu waishibikjege, egi wore e Hirukanara Jesus eja hotusra woragphi Maura najwoja harnira hotaikjege.

Markga 8:36

Egi wangrisha managre harnaj ruxurugkhi jagu‐ophi howekjaneshe, egi naxirag earnira xawarnihigi?