Markga 7:34 - Winnebego Bible Portions 1907

³⁴ Egi wangregi horuxujshana, nihasigina, egi wena: Hephata, gihasra e wena.

Markga 7:34 Referans Kwoze

Johnga 11:41

Egi inira rus‐hirena d’ega hot’umbhirera ejanagra. Egi Jesus wangeja horuxujshana egi wena: Jaji wainiginabshana nainaxgushanakaja.

Markga 6:41

Egi jaja waisgab‐horokin sajanka warusgi egi ho nuphahanka, wangeja horuxujshana, egi wainabshana egi horokina warujhena, egi wironag warnira wawogarna, joweja wagishuirekjege, egi ho nuphahanka harnaj hikiweninena.

Markga 5:41

Egi hinugniganka nabeja harukos‐shana, egi wagena: Talitha kumi, hinigena, nashine.

Hoixgara 9:34

Egi Peter Aeneas wagena: Jesus Kristus rushjanina, nashine egi homig hashinira phinkune egi higuana kikawa‐ana.

Johnga 11:33

Egi Jesus hajarna hinugjega xagkhi egi Judra hishge xaghirena hakishu hahirera, naxirag rogeja hanagshana egi najgerategshana,

Markga 15:34

Egi howagix hishanki‐jushguni hainja Jesus mashja uwana, wena: Eloi, Eloi, Lamma Sabaxthani? Deshesge hiroragra wagairena: Mau‐harnixji, Mau‐harnixji, jagu‐u hinat’u‐shereshe?

Markga 8:12

Egi nihasigina naxirag harnira egi wena: Jagu‐u wankshighoi de‐e washa woijanti horninankshe? Hisgexjina hinigawina, wankshighoi de‐e inke washa woijanti hok’uiranikjanena.

Hoixgara 9:40

Eshi Peter harnaj hihinab wagigina egi huporo‐himinagshana egi gikaraj‐shana egi roaka eja hapahi jijena, wena: Thabitha kikawa‐ane. Egi hinuganka jambshana egi jaja Peter hajagi minagshana.

Johnga 11:43

Egi she‐shesge e‐gaja, uwana wahoxete: Lasarus hihinabre.

Johnga 17:1

Washa de‐e Jesus ena, egi wangeja horuxujshana egi wena: Jaji, howagixra jina Hinigraga gloriagiune, egi Hinigraga nishge glorianingigikjena.

Johnga 11:38

Esge shige Jesus rogeja hanaganaga, wanaxomigeja jirena. Nish hopoxeja herena, egi inisha hihageja hakanaghirena.

Johnga 11:35

Jesus xagshana.

Lukga 19:41

Egi jaja hiwusunsh jigi jhinagra hajarna, egi gixagshana,

Lukga 18:42

Egi Jesus wagena: Wajare, harnaxgu hashinira nigijirena.

Lukga 7:14

Egi hija jiranaga wanaxominganka hikiorna, egi ruanankhi nashi hijerena. Egi (Jesus) wena: Hojinjira hinigena, kikawa‐ane.

Markga 1:41

Egi Jesus najogijana, egi ara wajigre‐hianaga egi hikiorna egi wagena: Haunkjanena, ninushjankjena.

Markga 7:35

Egi higuana nux‐hopox warnira gihas‐hirena, egi resihikara shgarairena, egi hit’et’era waraphina.