Markga 3:22 - Winnebego Bible Portions 1907

²² Egi wowagax‐hiperesra Jerusalem‐eja howajiregi wairena: Be‐elsebub harnijena, egi waxopinishishig hungra hiuanaga waxopinishishig jangra howahasjena.

Markga 3:22 Referans Kwoze

Matthaiga 15:1

Egi Jesus hirajirena Wowagax‐hiperesra egi Pharisera e Jerusalem‐eja howajirena, wairena:

Matthaiga 10:25

Hinanankshana wagax‐hajara wawagaxhajawagigi harninera hikarakisgairegi, egi warera hirukana harninera hikarakisgairegi. Jhi‐hirukanara Beelsebub higairegi jasge hojhieja herera inke hiraijeraxji wawagairaninashe?

Matthaiga 12:24

Eshi jaja Pharisera naxguinegi wairena: Wang de‐e inke washinjahi hiuanaga waxopinishishig jangra howahasnijena eshi Beelsebubra hiunjena waxopinishishig hungra.

Matthaiga 9:34

Eshi Pharisera wairena: Waxopinishishig jangra howahasjane waxopinishishig hung hiu waunjena.

Johnga 7:20

Wankshigra hornihairena egi wairena: Waxopinishishig hashinina, peshe waunjeshe d’eni‐nainakhi?

Johnga 8:52

Egi Judra wagairena: Shegunegi hiaperes‐wigaja waxopinishishig hisha hashinirajera. Abraham d’egaja, egi prophetra, egi hishena: Hisha hoit’e harnira hingiungi inke hot’e harajabenikjanena manegus.

Johnga 8:48

Egi Judra hornihairena egi wagairena: Inke phiwahawininashe Samarit‐wankshig‐ranina, egi waxopinishishig hisha hashinina?

Lukga 11:15

Egi hota wairena: Waxopinishishigra jangra wowahasjane Be‐elsebub hiu waunjena waxopinishishig hungra.

Markga 7:1

Egi Pharisera Jesus eja stoirena egi wowagax‐hiperesra hota, e Jerusalemeja howajirena.

Matthaiga 11:18

Johnga jira egi inke waruj‐nianaga inke shige warajganina egi wairena: Waxopinishishig‐hisha harnijena.

Johnga 10:22

Egi Jerusalem‐eja wohokhu‐hojhixete wakanjankkaragiregi worujxetera herena, egi maninegi herena.

Lukga 5:17

Egi wauna, hambisha eja washa wagigusnankshana, Pharisera hijarnankshana egi woehi hirukana hungra hija minagnankshana e Galilea mowagaxeja jhinagnankhi eja howajirena egi Judea mowagaxeja, egi Jerusalem‐eja. Egi Maura homashja harnieja nankshana, rushjawahira.