Markga 2:25 - Winnebego Bible Portions 1907

²⁵ Egi wawagena: Jasge inkaga wowagaxra hashjawinishe Dawidga jagu una jaja warogungi egi dokewehigi egi jarnaga hakishu uankhi?

Markga 2:25 Referans Kwoze

Lukga 10:26

Egi Jesus wagena: Woehieja jagu wagaxankshe? Jagu eja ag‐hashjashe?

Markga 12:26

Egi d’erawawagairena, kikawa‐ahirekjanena, inke Mosesga wowagax harnira hashjawinishe, jasgehianaga xatabeja Maura hokit’egi, wena: Abraham Mau harnira newinena, egi Isaak Mau harnira newinena egi Jakob Mau harnira newinena?

Markga 12:20

Egi wang‐kikinubra shagowingi, egi xetera hinugkhanagshana egi d’egi inke ninkjang harninina.

Matthaiga 22:31

Eshi jasge inkaga wowagaxeja hashjawinishe d’era hakiha wankshig‐inekjanera e Maura hornigiragwina, wena:

Matthaiga 21:42

Jesus wawagena: Jasge inkaga wowagaxeja hashjawinishe: Inisha e jhiura nigiot’unairegi e ini haminag hopassera hahi herenana? Maura E shesge hina, egi hajara khorewahina.

Matthaiga 21:16

Egi wagairena: Nanaxgu rajeshe jagu arnangre? Egi Jesus wawagena: Hojia, jasge inkaga (wowagaxra) hashjawinishe, ninkjang xununigra egi wasinankhi ira shesge‐wahige rajank‐nankshana?

Matthaiga 19:4

Egi horniharna egi wawagena: Jasge inke wowagaxeja hashjawinishe E jeghojikerehieja‐reja wauna wangra egi hinugra wauna.

Matthaiga 4:2

Egi jaja hambra kerepanajobaha egi hahera kerepanajobaha hantaginajgi hageja dokewehina.

Markga 2:24

Egi Pharisera Jesus wagairena: Horuxujre, jagu ungaja Sabath hambregi wauineshe e woehira roxiagra.

Markga 2:26

Jasge Maura hojhieja hokawarnaga higi, Abiathar nabhoruxaj hirukana hungra hamb harnieja, egi waisgabwahara rujshana, e woehieja rujra roxira, eshi nabhoruxaj hirukanarashana, egi wakishu unjega hishge wawogarna?