Markga 16:16 - Winnebego Bible Portions 1907

¹⁶ Egi higu peshe harnaxgungi egi ni‐hawaxu‐hirekjena niaimb‐kjanena, eshi higu peshe inke harnaxgunigi washoshishig howehirekjanena.

Markga 16:16 Referans Kwoze

Johnga 3:36

Hisha Hinigra harnaxgungishi, wankshighoi‐hisgeja unkjanena, egi hisha Hinigra inke harnaxgunigi inke wankshighoira hajarnikjanena, eshi Maura wogiteg harnira eja hiwushakjanena.

Hoixgara 2:38

Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.

Johnga 5:24

Hisgexjina, hisgexjina hinigawina, hisha hoit’e harnira naxgungi, egi hisha huingigira E harnaxgungi wankshighoi hisgeja unkjanena, egi inke washinohire howe hireja hinikjanena, eshi hot’era haixarnaga egi wankshighoi hisgeja unkjanena.

Johnga 8:24

Esge wanigawina, washoirohirera wakarani‐shjekjanihawina. Inke harnainaxguwinigi she‐e Newinera, esge washoirohirera wakarani‐shjekjanihawina.

Johnga 6:29

Jesus horniharna egi wawagena: De‐e Mau worera herena hisha jigigira E harnanaxguwingi.

Johnga 3:5

Jesus horniharna: Hisgexjina, hisgexjina hinigena, inke hisha ni egi shige Naxirag wankshighi‐inigi inke Maura hungma harnira eja hokewe ruxurugninana.

Hoixgara 10:43

E prophetra harnaj horaghirena rash harnira hiu higu peshe harnaxgungi washa woishana warninera wagit’unairekjanena.

Johnga 20:31

De‐eshi wagaxankshana, harnanaxgunkjawige Jesus she‐e Kristus herejena, Maura Hinigra, egi harnanaxguwigi wankshig‐shinkjanihawina rash earnira hiu.

Johnga 6:35

Egi Jesus wawagena: Newinena waisgab niambra, hisha hiraijigi inkaga dokewe‐hinikjanena, egi hisha harnaixgungi inkaga iwus‐inikjanena.

Markga 1:15

Egi wena: Hereginina egi Maura hungma harnira hiwusunsh jina, najgera‐karategwire, egi woragphira harnaxguwine.

Hoixgara 22:16

Egi jagu‐u hish’uwushashe? Nashine, egi ni‐hawaxuinekhine, egi washa woishana washinira rusha‐wagigire Hirukanara rash harnira rajre.

Johnga 6:40

Egi woshgara de‐e herena hisha huingigira, jarnaga Hinigra hajagi egi harnaxgungi, wankshighoi hisgeja unana, egi phihi wankshig‐ihakjanena hamb hirowageja.

Hoixgara 2:41

Egi jarnaga hoit’e harnira gigiphinegi rus‐hirena niwawaxuinena. Egi hamb‐eja naxiragra hogihixete dani hijornashina.

Lukga 8:12

Jarnaga naguejaka, warnaxgura e herenakshana, egi waxopinishishigra hajiranaga egi najge warnieja hoit’enaka wagirusnankshana, inke harnaxguhiranikjege egi inke wankshig‐inanekjege.

Matthaiga 28:19

Esge rawianaga egi wankshig‐hokirajra harnaj washa wagiguswire, niwawaxuwianje Hianj‐hirera rash harnira hiu egi Hinigra egi Naxirag wakanjangra.

Hoixgara 13:39

Egi jarnaga harnaxgungi E hiuirarnaga washara harnaj phi‐wahijena, inke Moses woehi harnira hiuanaga phi‐wahi ruxurugnina.

Hoixgara 13:46

Egi Paulus egi Barnabas wa’shoshe jijerena, egi wena: Mau hoit’era jorni ne hironikit’awigi phinana, eshi hajhawina shawajiswina egi inke wankshighoi hisgejaija here phi hiranana‐kikiwinina, horuxujwire, hirarujeja herenagre eja wawatekjanihawina.