Markga 14:49 - Winnebego Bible Portions 1907

⁴⁹ Hambga harnikishu hauanjena wohokhu‐hojhixeteja washa ningiguswi egi inke hinshurukos‐winina. Eshi jasgegi wowagaxra exji herekjanena.

Markga 14:49 Referans Kwoze

Johnga 18:20

Jesus horniharna: Harusharani manegirera wakit’ena, hoishib wohokhu‐hojhieja egi shige wohokhu‐hojhixeteja washa ningiguswina, eja Judra hoishib hahirena, egi inke washarisha nuxawa hiharnina.

Johnga 8:2

Egi hainixjinig shige kirina wohokhu‐hojhixeteja egi wankshigra harnaj hirahirena egi minaganaga egi washa wagigussana.

Lukga 22:37

Wanigawina, shige washa de‐e wagaxangre newaigairera jasgegi herekjanena: Wigishana horog gikarab hirena. Egi jagu wagaxhirera newaigairera hoshejana herekjanena.

Markga 12:35

Egi Jesus horniharna egi wena, wohokhu‐hojhixeteja washa wagigus‐janegi: Wowagax‐hiperesra jasge wagaireshe, Kristus Dawid hinigra hereshe airera?

Matthaiga 26:56

Eshi washa de‐e harnaj uinare, prophetra wowagax warninera exji herekjege. Egi shejananegi wironagra harnaj t’unairena egi gias‐hirena.

Matthaiga 26:54

Eshi wowagaxra jasgehianaga exji herekjaneshe, jasgegi herekjanena.

Matthaiga 1:22

Washa de‐e harnaj uinena, exji herekjege jagu Hirukanara era, prophet hisha egigina, wena:

Johnga 10:23

Egi Jesus wohokhu‐hojhixeteja manijena, Salomon hakohi harnira higairera eja.

Johnga 8:12

Egi Jesus shige hit’et’era wawagena: Manegirera hohambra Newinena. Hisha hiroinakhi inke hokawaseja maninikjanena, eshi homamb wankshighi‐ihakjanena.

Johnga 7:37

Egi hamb hirowagra xetera herera worujxeteja Jesus nashianaga egi mashja hit’et’egi, wena: Hisha iwusgi eegi howahugigiwire, egi rajgankjena.

Lukga 19:47

Egi hambhokahi wohokhu‐hojhixeteja washa wagigussana. Egi nabhoruxaj hirukana hungra egi wowagax hiperesra egi wang rokanara d’ehinainena.

Markga 11:27

Egi shige Jerusalem‐eja hajirena, egi wohokhu‐hojhixeteja manijau, nabhoruxaj hirukana hungra hirajirena egi wowagax‐hiperesra egi xetera hirajirena.

Matthaiga 26:55

Howagixeja Jesus worohanka wawagena: Wamanuke hiraji hinagish’uwishe, wigijgux egi wiwapox hashini rajiwi hishgurajiwigi? Hambga harnikishu mianag hajena wohokhuhojhixeteja washa ningiguswi egi inkaga hinshurukoswinina.

Markga 10:1

Egi jaja nashingi egi Judea mowagaxra hiwusunsh hina Jordan ageja. Egi shige wankshigra hirahirena, egi houra shegu hishunuge, washa wagigus‐shana.

Markga 14:48

Egi Jesus horniharna egi wawagena: Wamanuke hiraji hinagish’uwishe, wigijgux egi wiwapox hashini rajiwi hishgurajiwigi?

Markga 14:50

Egi harnaj d’unairena egi gias‐hirena.