Markga 14:20 - Winnebego Bible Portions 1907

²⁰ Egi horniharna egi wawagena: Nup‐hashanara hisha herena wasgeja hiroshu hakishu haungi.

Markga 14:20 Referans Kwoze

Johnga 13:26

Jesus horniharna: Erena, erekjanena hisha nige wak’ungi hiroashu‐anaga. Egi jaja nige hiroshuna, e hok’una Judas Iskariot Simon hinigra.

Johnga 6:71

Judas Iskariot, Simon hinigra ewagena, erena himanaikjanera, nup‐hashanara esherena.

Lukga 22:47

Egi higu hit’at’ajau, horuxujre worohaxji jina, egi Judas higairera nuphashanara eisha herera jowehireja uankshana. Egi Jesus hirajiarnaga iokiwankshana.

Markga 14:43

Egi hit’at’ajau higuana Judas jina nup‐hashanara hisha herena egi hornihe xetexji hakishu, wigijgux egi wiwapox harni, nabhoruxaj hirukana hungeja egi wowagax‐hipereseja egi xeteja howajirena.

Matthaiga 26:47

Egi hit’at’ajau, horuxujre, Judas jina nup‐hashanara hisha herera egi hornihexetexji hakishu jina, wigijgux egi wiwapox harni, nabhoruxaj hirukana hungra egi wankshigra xete warninera e huwagigire.

Matthaiga 26:23

Egi horniharna egi wena: Hisha wasgeja hiroshu hakishu haungi e‐himairaikjanena.

Markga 14:19

Egi najgerateg hajiarairena, egi hinikehishana wagairena: Newineshe? Egi hijanera wena: Newineshe?

Markga 14:21

Jasgegi Wankshig‐hinigra wowagax‐eja jasge wagaxhirera eowakshana, eshi hawekjanena wang‐jagura hisha Wankshig‐hinigra himanakhi, wang she‐e phi howarnana inkaga wankshig‐iningishi.