Markga 12:35 - Winnebego Bible Portions 1907

³⁵ Egi Jesus horniharna egi wena, wohokhu‐hojhixeteja washa wagigus‐janegi: Wowagax‐hiperesra jasge wagaireshe, Kristus Dawid hinigra hereshe airera?

Markga 12:35 Referans Kwoze

Matthaiga 26:55

Howagixeja Jesus worohanka wawagena: Wamanuke hiraji hinagish’uwishe, wigijgux egi wiwapox hashini rajiwi hishgurajiwigi? Hambga harnikishu mianag hajena wohokhuhojhixeteja washa ningiguswi egi inkaga hinshurukoswinina.

Johnga 18:20

Jesus horniharna: Harusharani manegirera wakit’ena, hoishib wohokhu‐hojhieja egi shige wohokhu‐hojhixeteja washa ningiguswina, eja Judra hoishib hahirena, egi inke washarisha nuxawa hiharnina.

Johnga 7:42

Jasge inke wowagaxra shesge arniankshe Dawid su warnieja Kristus howajikjanena, egi Bethlehem jhinageja howajikjanena Dawid hounihera eja.

Lukga 21:37

Egi hambregi wohokhu‐hojhixeteja washa wagigusjena, egi hahega hihinabjena, egi xe‐isha Oliw‐xera higairera eja hiwushajena.

Lukga 20:1

Egi herena, wankshigra wohokhu‐hojhixeteja washa wagigusjega, egi worag phira wihokhunjera, hambnaka hisha eja nabhoruxaj hirukana hungra egi wowagax hiperesra hirahirena xetera wakishu.

Lukga 19:47

Egi hambhokahi wohokhu‐hojhixeteja washa wagigussana. Egi nabhoruxaj hirukana hungra egi wowagax hiperesra egi wang rokanara d’ehinainena.

Markga 11:27

Egi shige Jerusalem‐eja hajirena, egi wohokhu‐hojhixeteja manijau, nabhoruxaj hirukana hungra hirajirena egi wowagax‐hiperesra egi xetera hirajirena.

Matthaiga 9:27

Egi jaja Jesus eja regi, wang‐hishjarnigra nupiwi hironagshana, uwainena, egi wairena: Dawid hinigra neninegaja najungijawine.

Markga 10:1

Egi jaja nashingi egi Judea mowagaxra hiwusunsh hina Jordan ageja. Egi shige wankshigra hirahirena, egi houra shegu hishunuge, washa wagigus‐shana.

Markga 14:49

Hambga harnikishu hauanjena wohokhu‐hojhixeteja washa ningiguswi egi inke hinshurukos‐winina. Eshi jasgegi wowagaxra exji herekjanena.