Markga 10:21 - Winnebego Bible Portions 1907

²¹ Egi Jesus horuxujshana egi wogixetena egi wagena: Washa hisha hininujis‐rajena, karanaga egi jagu hashinigi wawikuru‐winge, egi wanajojaisgeja wawogaje, egi wangregi washa jexi hashinikjanena, egi jiarnaga, egi nanamihera rusanaga egi hiroinagaja.

Markga 10:21 Referans Kwoze

Lukga 10:42

Eshi washaisha u‐phira, egi Maria hophinjega e gijana, e inke girus‐phinikjanena.

Hoixgara 2:45

Egi mara egi (jhira) egi washinjane warninera wawikuruwinena, egi harnaj khiruje wakhinena, jarnaga washa hirujisankhi.

Lukga 18:22

Egi jaja Jesus washa de‐e naxgungi, wagena: Washaisha higu hinirujis‐rajena, washara jarnaga hashinigi wawikuruwine, egi wanajojaisgeja wawigiwenine, egi washa phira wangregi warakshu wash’unkjanena, egi hu‐arnaga hiroinagre.

Matthaiga 16:24

Egi Jesus wironag warnira wawagena: Hisha hiroinaikjegi, kikurushjarehikjena egi nanamihera kurusanaga egi hiroinaikjena.

Lukga 12:33

Jagu hashiniwingi, wikuruwiwine, egi wanajojaisgeja wawogawire, pa kik’uwianaga inkaga sh’agenikjena, washa jexira wangregi wakshuwire e inkaga horujisnikjena, eja inkaga wamanuke warus‐ruxurug‐hiranikjanena, egi shige inkaga wikiri washa‐waishgahiranikjanena.

Markga 8:34

Egi jaja wankshigra wagigogi egi wironag warnira hishge, wawagena: Higu peshe hiroinaikjegi, jasgegi kikurushjarehikjena, egi naramihera kurus‐anaga egi hiroinaikjena.

Lukga 19:41

Egi jaja hiwusunsh jigi jhinagra hajarna, egi gixagshana,

Lukga 9:23

Egi harnaj wawagena: Hisha hiroinaikjegi, kikurushjane hianaga, egi hambokahi nanramihera kuruk’inegi hiroinaikjena.

Matthaiga 19:21

Jesus wagena: Inke washa nisha hironihiranikjegi, kararnaga egi jagu hashinigi harnaj wiruwine egi wanajojaisgeja wogaje, egi washa jexira wangregi hashinikjena, egi jiarnaga egi hiroinagre.

Johnga 16:33

Washa de‐e hironikit’awishare, egi howahi rashguni sh’uwinana. Manegi washinohire horawekjanihawina, eshi wogishawahajanje, managre parnana.

Johnga 12:26

Hisha waigirekjegi, hiroinaikjena, egi hajinja hauanjegi, eja hishge ware harnira unjekjanena. Egi hisha waigiregishi, Jajiga gish’aikjanena.

Lukga 16:9

Egi wanigawina, hijakoro wirakhiwina mamon wowongeja, egi jaja horakikurushakhi manegus hojhireja nirus‐hirekjanihawina.

Hogusra 34:19

Egi hojinjira washa de‐e inke waxurujnina, Jakob hinugra giphinge esge, egi e hiraijera gish’aghirena hianjra hojhieja herera harnaj worujis‐hirena.

Markga 10:22

Egi she‐shesge eegi, najgerategshana, egi najgerateg nigehowakerena, washa jura rokanage esge.