Markga 1:14 - Winnebego Bible Portions 1907

¹⁴ Egi hageja Johnga jhi‐hornassairena Jesus Galilea‐eja kirina, Maura hungma woragphi harnira wihokhunjena.

Markga 1:14 Referans Kwoze

Matthaiga 4:23

Egi Jesus Galilea mara harnaj howena wohokhuhojhi warnineja washa wagigus, egi hung‐ma woragphira wihokhunjena, egi howashara harnaj egi ro‐tegra harnaj rushja‐wahina wankshignanka horogeja.

Matthaiga 4:12

Egi jaja Jesus naxgungi Johnga jhi‐hornassairegi, Galilea‐eja howarena.

Lukga 8:1

Egi hageja herena, Jesus jhinagra harnaj wouna egi jhinag xununigra wahokhu egi worag phira Maura hungma harnira wogirag. Egi nup‐hashanara wakishu wauna.

Hoixgara 28:23

Egi jaja hambisha mangiraj‐hiregi, hojhijega eja roha hirajina, e wijanti wawogiragshana egi horagshana Maura hungma harnira, egi Jesus hawau waraxurugnaina, Moses woehi harnieja egi prophet‐eja horusanaga, haininegi aregi haxjarna hipa ena.

Matthaiga 9:35

Egi Jesus jhinag‐xetera egi jhinag‐xununigra harnaj wouna, wohokhuhojhi warnineja washa wagigus‐shana, egi worag‐phi hung‐mara wihokhuna, egi howashara harnaj rushjawahina egi wankshig‐horogeja howashashanankhi harnaj rushjawahina.

Hoixgara 20:25

Egi horuxujwire shegunegi, hiaperessana harnaj inke hinupahana hishjaharnira hashjarnikjanihawina, jarnaga Maura hungma harnira hihornikhuwira.

Matthaiga 14:2

Egi ware warninera wawagena: De‐e John Niwawaxunga herena, e d’arnagra eja kikawa‐a kirina, esge wore rokanaxji unjena.

Lukga 3:20

Washinohira de‐e hijokshuna Johnga jhi‐hornassena.

Matthaiga 11:2

Egi Johnga jhiwornasse‐hojhieja nanku, jaja Kristus wore harnira naxgungi, wironag warnira nupiwi hijowaregigina.

Matthaiga 4:17

Epa Jesus wahokhunjirena egi wena: Najgerakarategwire hung‐ma wangregi herera hiwusunsh jina.