Markga 1:1 - Winnebego Bible Portions 1907

¹ De‐e jeghojikerera herena woragphi Jesus Kristus harnira, Maura Hinigra.

Markga 1:1 Referans Kwoze

Johnga 20:31

De‐eshi wagaxankshana, harnanaxgunkjawige Jesus she‐e Kristus herejena, Maura Hinigra, egi harnanaxguwigi wankshig‐shinkjanihawina rash earnira hiu.

Matthaiga 17:5

Higu hit’at’arnak’u, horuxujre, maxisga nige hoirahasi‐wagigina. Egi horuxujre maxisgananka‐eja hisha hit’et’ena e‐wena: De‐e Hinigha wagixetera herena, hakaraiphina, harnaxguwine.

Matthaiga 4:3

Egi jaja wawiunjara hirajigi wena: Maura hinigra neninegishi, ininagre wawigege waisgabduj hirekjena.

Matthaiga 14:33

Egi jarnaga waj‐ejaka hajiranaga egi gikaraj‐hirena, wairena: Hisgexjingaja Maura Hinigra ninegaja.

Matthaiga 3:17

Egi horuxujre, wangregi hora howajina, wena: De‐e hinigha wagixetera herena, E hakaraipixjina.

Johnga 1:14

Egi Hoit’era hahi rona, egi horogregi jhina, gloriara hagija hajawina gloria she‐e eshanaherena Hianj‐hirera harnira, najwojana egi wogisogra rokana.

Johnga 6:69

Egi harnanixguwina egi wogisog hiaperes‐hajena, Ne Kristus Mau niambra Hinigra Neninera.

Johnga 3:16

Hisgexji Maura managre wogixetera deshesgena, Eshana Hinigra herera wogarna, higu peshe harnaxgungi inke d’arnikjanena, eshi wankshighoi hisgeja unkjanena.

Johnga 1:49

Nathanael horniharna egi wagena: Rabbi, Maura Hinigra neninegaja, Israel hung harninera neninegaja.

Johnga 1:34

Egi hajharna, egi hornigitagwina She‐e Maura Hinigra herena.

Lukga 1:35

Egi waxopiniwarajirajega horniharna egi hinugjega wagena: Naxirag Wakanjangra hiranijikjanena, egi Eshana Hiraijeranaga homashja harnira hoirawahasininkjanena, esge washa wakanjangra wankshig‐horni’inkjanena Maura Hinigra higairekjanena.

Hoixgara 1:22

Johnga niwawaxu jeghojikerehi harnieja ejipa egi hambeja wangregi wangakurus‐hirawira, wihohira hisha hakishu hiuwingi phinana hakiha‐wankshig‐inra horag.

Hoixgara 13:24

Khenijini Johnga Israel wankshigra washa woishana najgekarateg ni‐wawaxu wihokuna.