Lukga 9:44 - Winnebego Bible Portions 1907

⁴⁴ Hoit’e de‐e nuxhopox washiniwieja nihe wahiwiaje: Wankshig‐hinigra wankshigeja rushjarehirekjanena.

Lukga 9:44 Referans Kwoze

Hoixgara 2:23

E Maura rushjarehina wogus‐shjainja egi washa joweja hoiperes‐harnieja, shuruswina, egi nab wowong hiu naramiheja haraisarajwina egi d’erawina.

Lukga 9:22

Wena: Wankshig‐hinigra washara roha jasgegi hawekjanena, egi washinukanara wajis‐hirekjanena, egi nabhoruxaj hirukanara egi wowagax hiperesra, egi jasgegi d’ehiregi phinana, egi niaimbkjanena hamb hidanihainja.

Lukga 2:19

Egi Maria washa de‐e harnaj warussana egi najgeja howairewahiarnaga wawewinankshana.

Johnga 19:11

Jesus horniharna: Inke homashja washa hashininina hakirai‐shuruxurugnina, inke wangregi howaji hornik’uinanigi. Esge e hinushjahuhirena e washa woishanara hiraijera harninankshana.

Johnga 16:4

Egi washa de‐e hornigitagwina, jaja howagixra jigi, she‐e shewewinkjanihawina hornigitagwira. Egi washa de‐e inke hinigawinina jeg‐hojikerehieja, harnikishu hauwige esge.

Lukga 24:44

Egi wawagena: Hoit’era de‐e hererena, hironikit’awira harnikishu hauanjeregi, washara harnaj exji herena e Mosesga woehi harnieja wagaxangra, egi prophetra egi Psalmra‐eja newaigairera.

Lukga 18:31

Egi nuphashanara wakaragigorna egi wawagena: Horuxujwire, Jerusalemra howainekjawina, egi washara harnaj prophetra wagaxhirena Wankshig‐hinigra wagairera, herekjanena.

Lukga 2:51

Egi wakishu kerena, egi Nasaretheja hagirena, egi wanakarax‐guxjina. Egi hiunira washa are harnaj warussana najge earnieja.

Lukga 1:66

Egi jarnaga naxgungi wewinena, wairena: De‐e ninkjang jaguisha herekjaneguni. Egi Hirukanara nabra hakishu wauankaja.

Markga 9:31

Egi wironag warnira washa wagigus‐shana egi wawagena: Wankshig‐hinigra wankshig nab‐eja horushjarehirekjanena, egi d’ehirekjanena, egi d’ehiranaga hageja hamb hidanihangi kikawa‐ankjanena.

Markga 8:31

Egi washa wagigus‐jirena, Wankshig‐hinigra jasgegi washara roha hawekjanena, egi xetera egi nabhoruxaj hirukana hungra egi wowagax‐hiperesra wajis‐hirekjanegi, egi d’ehirekjanegi egi hamb hitanihainja niaimbkjanena.

Matthaiga 26:2

Hirapereswina nupahangi Pasxa worujra herekjanera, egi Wankshig‐hinigra himarag‐hirekjanena naramiheja haisarajhirekjege.

Matthaiga 16:21

Epa Jesus wironag warnira wawogiragshana, jasgegi Jerusalem‐eja howaranaga egi washara rohaxji hawekjanegi, xetera wauinekjanena egi nabhoruxaj‐hirukana hungra egi Wowagax‐hiperesra, egi d’ehirekjanegi egi hamb hidani‐hangi shige kikawa‐akjanegi.

Johnga 16:31

Jesus wornigiharna: Shegunegi harnainaxguwishe?