Lukga 9:39 - Winnebego Bible Portions 1907

³⁹ Egi horuxujre, naxirag hisha russana, egi higuana ijanigshana, egi ruksunksunjshana unja‐u ira jax harawojshana egi washangishgashgana rokana wagiuna, t’unehira wojexi.

Lukga 9:39 Referans Kwoze

Lukga 8:29

Naxirag shishigra wankshigeja hihinab washishunuge esge. Sixji harukosginige. Egi mas‐hokiwaxuxug hirusgij hiregashge wirusgij, egi wirusgijra waiwaxshununa egi waxopinishishig mojainainja howahas hirena.

Lukga 4:35

Egi Jesus winakewehina, wena: Xapguni nashinge, egi eja hihinabre. Egi jaja waxopinishishigjega mainja hot’unegi horogeja, egi eja hihinabshana, inke washangishganina.

Markga 9:26

Egi ijanigshana egi ruksu‐ksunshra rokana wagiuna egi eja hihinabshana. Egi hojinjinigra d’e hikisgena, d’egaja roha ena.

Markga 9:20

Egi hagarni hajirena, egi jaja hajagi, higuana naxiragra higinini‐jirena egi mainja khinipshana egi ira jaxharawoj hokikawajana.

Johnga 8:44

Hianjwarawiga waxopinishishig hirena, hianjwarawiga jagu roguinera, sh’u‐harajawina. E jeghojikere‐hieja wankshigd’ehina, egi inke wogisogra eja unijena, inke nige wogisogni jege esge. Jaja hit’et’ega ret’unk, e hit’et’era hik’unjena. Ret’unkeisherena, egi ret’unkera hianjhirena.

Markga 9:18

Egi higu hajinja harukosga, higinini‐shununa, egi ira jax‐harawojanaga egi hira‐giginsh‐anaga egi hushawashununa. Egi wironag washinira wiroakit’era jangra howahas‐hirekjege, egi inke ruxurug hiranina.

Lukga 9:38

Egi horuxujre, wangisha worohainja mashjint’et’ena wena: Hirukanara ningitarna hinighara hungiruxujre, eshana ninkjang harnira herena.

Lukga 9:40

Egi wironag washinira wagitara jangra howahas hirekjege egi rushaghirena.