29 Egi Maura gikarajnank’u, hishjara hijanjinakshana, egi waini earnira sgarna egi rukanakanabshana.
Egi hajara hijakhina jowehireja, egi hishjara hatasharna wira hikisge, egi waini warnira sgairena hatashara hikisge.
Egi woehieja minagananka harnaj horuxuj‐hinena egi hishjara hajairegi waxopiniwarajire hishja unguni hirewahina.
Egi Hoit’era hahi rona, egi horogregi jhina, gloriara hagija hajawina gloria she‐e eshanaherena Hianj‐hirera harnira, najwojana egi wogisogra rokana.
Hageja hijankhianaga wironag warnira nupiwi jantiwagikhina, mani hojainainja howarahairau.
Egi jaja wankshigra harnaj ni‐wawaxuinegi, egi herena Jesus hishge ni‐hawaxuinena, egi Maura gikarajjau, wangregi gihas‐jijena,
Egi mojainainja howarena egi Maura gikaraj.
Egi herena hambanaka eja, xexete hihageja howarena gikaraj, egi haiserej inke harushjanina Maura gikarajra.
Egi herena inekhi Maura gikarajnihena, hironaghirera wakarakishu. Egi wawigiwaxshana wena: Peshe wineshe wankshigra arnankshe?
Egi horuxujre, eja wangra nup hokit’arnankshana, Moses egi Elias e hererena.