Lukga 9:20 - Winnebego Bible Portions 1907

²⁰ Jesus wawagena: Nishge peshe wineshe hishawishe? Peter horniharna wena: Maura Kristus harnira neninegaja.

Lukga 9:20 Referans Kwoze

Johnga 7:41

Hijanera wairena: Kristus de‐e eregaja. Egi hota wairena: Jagu Galilea‐eja Kristus howajikjaneshe?

Johnga 4:29

Huwire, horuxujwire wankshigisha, E hungiraganakshana washa jagushana hauna harnaj, jasge de‐e Kristus heres‐are?

Hoixgara 17:3

Wagiruhas‐anaga egi wagiwahajena Kristus hawegi phinange wauna egi shige d’arnangra eja niamb‐howakirina, egi Jesus de‐e E hihornikhu hajane Kristus herena.

Hoixgara 9:22

Eshi Saul homashjara hiraijera harena, egi Judra wowewiharej wahina Damaskus eja jhinanka, Kristus E herera wogisog horagjena.

Johnga 20:31

De‐eshi wagaxankshana, harnanaxgunkjawige Jesus she‐e Kristus herejena, Maura Hinigra, egi harnanaxguwigi wankshig‐shinkjanihawina rash earnira hiu.

Johnga 11:27

Hinugjega wena: Hojia Hirukanara: Harnanixguna Kristus Neninera, Maura Hinigra E manegi jiguni.

Johnga 4:42

Egi hinugjega wagairena: Harnaxguwina, inke hoit’e hashinira hawau, exji naxguwina egi hiapereswina de‐e hisgexji Kristus heregaja, managre wankshighi‐inena.

Johnga 1:49

Nathanael horniharna egi wagena: Rabbi, Maura Hinigra neninegaja, Israel hung harninera neninegaja.

Johnga 1:41

E jorni khinubra Simon hiena, egi wagena: Messias hiegaja, Kristus ewairena.

Markga 8:29

Egi wawagena: Eshi peshe wineshe hishawishe? Egi Peter horniharna egi wagena: Kristus neninegaja.

Hoixgara 8:36

Egi hakarahairau ni‐sha hiragirena, egi eunux wena: Horuxujre nira, jaguisha joweregi hingirujegaja, inke nishawaxunishe?

Lukga 22:67

Kristus nenineshe? Hungiragwire. Egi wawagena: hornigitagwishge inke harnanaxguni‐kjanihawigaja,

Markga 14:61

Eshi Jesus inke xabnina. Nabhoruxaj hirukana hungra shige higiwaxshana egi wagena: Jasge Kristus nenineshe, Rajanghirera hinigra nenineshe?

Matthaiga 22:42

Wena: Kristus jagu hiragirawishe, peshe hinigra hereshe? Wagairena, Dawid hinigra heregaja.

Matthaiga 5:47

Egi warakhinub‐wirashana wawirakaragiwigi, jaguisha wawirajaira shuwinashe? Jasge inke Publikanra hishge shesge hininankshe?

Matthaiga 26:63

Eshi Jesus inke xabnina. Egi nabhoruxaj hirukana hungjega horniharna egi wagena: Wihohire Mau niambra jowehieja, hungiragwire Kristus ninegi Maura Hinigra.

Lukga 9:19

Hornihairena, wairena: John Niwawaxunga, egi hota wairena, Elias, egi hijanera wairena, prophet shagra shige hisha niambshana.