Lukga 9:16 - Winnebego Bible Portions 1907

¹⁶ Egi waisgab‐horok’in sajanka egi ho nupahanka warussana, egi wangeja horuxujshana, wainabshana egi warujhena egi hironaghirera wawogarna egi worohanka eja wawigiweninena.

Lukga 9:16 Referans Kwoze

Matthaiga 14:19

Egi worohanka xawijojaija minag‐washina egi waisgab‐horok’i sajanka warussana, egi ho nuphahanka, egi wangregi horuxujshana, wa’inabshana, egi warujhe‐anaga egi wironag warnira horok’inanka wawogarna, egi wironagra worohanka eja wawogairena.

Lukga 24:30

Egi herena jaja warujeja wakishu minagkhi, waisgabra russana, egi wainapshana, rujharnaga egi wawogarna.

Matthaiga 15:36

Egi horok’i shagoweanka egi hora warussana egi wainabshana egi warujhena egi wironag warnira wawogarna egi wironagnanka worohanka‐eja wawogairena.

Hoixgara 27:35

Egi jaja deshesge e‐gi, waisgabduj russana egi Maura wainginapshana jowehireja, egi jaja rujhegi ruj‐jirena.

Johnga 6:23

Nunige waj hijahi hajirena Tiberias eja howajirena, hajinja waisgab horuj‐hirera hiwusunsh eja, hageja Hirukanara wainabra.

Johnga 6:11

Egi Jesus waisgabdujra warussana, egi wainabrashjangi, hironagananka wawigiwenina egi hironagananka minagwagigirega wawigiweninena egi ho‐xununigra shige hiwenirena jarnaga giphinegi.

Lukga 22:19

Egi waisgabra rus‐shana egi wainabshana, egi rujhena egi wawogarna, wena: De‐e ro harnira herena, E wornigigairawina, de‐e sh’uwingi hiwewiwianje.

Markga 7:34

Egi wangregi horuxujshana, nihasigina, egi wena: Hephata, gihasra e wena.

Lukga 9:15

Egi shesge hirena, egi harnaj minag wagigirena.

Lukga 9:17

Egi waruj‐hirena, egi harnaj wainaj‐hirena, egi hoxjugra warus‐hirena hotawahiregi napanra kerepanaishanaga‐nuphashana hoixjina.