Lukga 9:11 - Winnebego Bible Portions 1907

¹¹ Egi wankshigra jaja hiperes‐hiregi, hironaghirena. Egi warussana, egi Maura hungma harnira wirokit’ena, egi howashara rushjawahina, jarnaga rushjangi phinagi.

Lukga 9:11 Referans Kwoze

Hoixgara 28:31

Maura hungma harnira wawihokhunjena, egi Hirukanara Jesus Kristus washa jagu higairegi wagigusjena inke nuwangni, egi inke hisha rogixinina.

Johnga 6:37

Jarnaga Hianjihiwira hunk’ura hiraijirekjanena egi she‐e hiraijiregi inke jangra wat’untanikjanena.

Johnga 4:34

Jesus wawagena: Hisha huingigira woshgara hagiungi, egi worera wagishibgi, she‐e waruj harnira herena.

Lukga 9:2

Egi Maura hungma harnira wihokhu rewagigina, egi howashara rushjawahi.

Lukga 8:10

Egi wena: Hornikunawina washa nuxawara hiraperesjawina Maura hungma harnieja. Eshi hijanera washisgera, wajarnankhi inke wajairanikjege, egi warnaxgunankhi inke naxguinanikjege.

Lukga 8:1

Egi hageja herena, Jesus jhinagra harnaj wouna egi jhinag xununigra wahokhu egi worag phira Maura hungma harnira wogirag. Egi nup‐hashanara wakishu wauna.

Lukga 5:31

Egi Jesus horniharna egi wawagena: Jarnaga wanaishguniankhi inke makhani hiuninankshana, eshi jarnaga howashakhi.

Lukga 1:53

Dokewehira washa phira hoixji woshujena, egi hitajera manra kerewagigijena.

Matthaiga 21:43

Esge wanigawina: Maura hungma harnira ningirushirekjanihawina egi wankshig‐howajehieja wogairekjanena e hasra Maura wagarni‐hahirekjanena.

Matthaiga 21:31

Nup hajawinga hajanga hianjhiwira jagu era giuwishe? Wagairena: Jegejajega. Jesus wawagena: Hisgexjina hinigawina, Publikanra egi hinug‐wowongra e jorni jowerawieja Maura hungma harnieja hokawairena.

Matthaiga 14:14

Egi Jesus hihinabshana egi worohaxji hajarna egi naj‐wawogijana, egi howasha warninera rushjawahina.

Matthaiga 12:15

Egi jaja Jesus hiperesgi, eja nige‐howarena egi worohaxji hironakshana, egi harnaj rushjawahina.

Lukga 9:10

Egi Apostelra jaja hakja hagiregi, hogiraghirena harnaj jagu uinegi. Egi Jesus wakishurena egi inekhi mojainainja herena howarega, jhinagisha eja Bethsaida higairera.

Lukga 9:12

Egi jaja hoxjarnanegi, nup‐hashanara hajirena egi wagairena: Worohangre kerewagigire, e jhinageja howakarairekjena egi jhinag xununigeja hogigixangre, egi hornainja egi waruj kirus‐hirekjena, mojainanegi hiuanjege esge.