Lukga 9:1 - Winnebego Bible Portions 1907

¹ Egi Jesus nuphashanara hironag warnira stowakaragina, egi homashja wogarna egi waxopinishishigra wirukana wagigina egi howashara rushjawahi wagigina.

Lukga 9:1 Referans Kwoze

Johnga 14:12

Hisgexjina, hisgexjina hinigawina: Hisha harnaixgungi, hishge wore jagu haune, unkjanena, egi e wore hiraijera xete unana, de‐e xununana, Jajiga eja wawakerekjanege esge.

Lukga 10:19

Horuxujwire homashja hornikuwina wakhara egi skorpionra warnashi, egi hornish’ighirawira homashja warninera wawirukana ningigiwira, egi inke hisha washa ningishga ruxurug hiranikjanihawina.

Hoixgara 4:30

Deshegu hire, nab hashinira wahahuhige howashara rushjawiwine, egi washa woijantira egi washa wowakanjank unkjena Ninkjang wakanjank hashinira Jesus rash harnira hiu.

Matthaiga 16:19

Egi hung‐ma wangregi herera jhirob‐hiruhasra hornikunkjanena, egi jagura hisha manegi shurusgijgi, wangregi rusgijaikjanena, egi jagura hisha manegi shurushgegi, wangregi rushgagikjanena.

Hoixgara 1:8

Eshi homashja hashinikjanihawina, Naxirag Wakanjangra hiranijiwigi hageja, egi ne worag harninikjanihawina Jerusalemra, egi Judeara harnaj egi Samariara egi manegi harixjinankhi woragi‐sharagikjanihawina.

Hoixgara 9:34

Egi Peter Aeneas wagena: Jesus Kristus rushjanina, nashine egi homig hashinira phinkune egi higuana kikawa‐ana.

Hoixgara 3:16

Egi rash earnira, harnaxgunge wauna egi rash earnira hiu wang de‐e shja hirare, e hashjarajena egi hiragiwina, harnaxgu wangagiuwina waunge de‐e rushjaxjina jowerawiregi unjane.

Matthaiga 4:24

Egi Siria mara harnaj hornaxguinena egi jarnaga howashara harnaj wagarni hahirena howasha hokirajra egi hotegjura, egi jarnaga waxopinishishig harninankhi, egi jarnaga wanaxi howankhi egi ro‐tegra egi harnaj rushjawahina.

Matthaiga 8:9

Wang hirukanaine harnina manape hitukanana: Egi wang de‐e wagarnana, rare hiagegi egi rarnana, egi hijaneisha hure hiagegi egi hunana egi ware harnira de‐e une hiagegi egi unana.

Lukga 10:1

Washa de‐e hagregi, Hirukanara kerepanashagowi hijanera gijarussana, egi jhinagananka egi wominaghirera harnaj nupshana eja howarewagigina jowehieja, hajinja Exji howarekjanegi eja.