Lukga 8:15 - Winnebego Bible Portions 1907

¹⁵ Egi makax hophiejananka e hererena, e najgera wogisog egi najgera phinena hoit’era naxguinega, rujgushirena egi washa phi axebhirena wanaiserej hiu.

Lukga 8:15 Referans Kwoze

Lukga 6:45

Wangphira hisha najge harnira washa phi hoshugi, washa phira eja haxebjanana. Egi wangshishigra hisha najge harnira washa shishig hoshugi, washa shishig haxebjanana, najgera jagura hoixjinjegi, ieja xunjanana.

Johnga 14:15

Woiragixetewigishi u‐washi harnira hingiuwine.

Lukga 11:28

Eshi Jesus wena: Hisgexjina, hophiowarnakshana jarnaga Mau hit’era naxgunga, egi giuinega.

Johnga 15:10

Ushi harnira hinagish’uwingi, wogixete harninegi sh’uanajekjanena. Ushi Jajiga harnira hauanjera shesge, egi wogixete earnieja hauanjena.

Matthaiga 24:13

Eshi hisha hoshejainja hipa hiwanuxshagi hiungi, e niaimbkjanena.

Lukga 8:14

Egi napahi horogeja shibranaka e hererena, e jaja naxguinega, hakarairanaga egi washa horuxurugrashana harusherej‐hire egi hitajera egi wankshighoi‐egi wogishawaire hawuhinsh wahire, egi inke washa phira roju wahiranina.

Lukga 8:16

Inkisha hiratashakerehira hisha taehigi egi woshura hisha hirarukaninana, egi shige homig khuhainja kereninana, eshi hiratashakerehi hornashieja kerenana, jarnaga eja hokewegi hatasha hajairanana.