Lukga 6:22 - Winnebego Bible Portions 1907

²² Wogishawaxjira neninewina, wankshigra hornishig hirawigi, egi woinjab ninawigi, egi najinisgirawigi, rashwashiniwira wanigit’urairawigi wowong hikisgeninawigi Wankshig‐hinigra hawau warnigi uinawinana.

Lukga 6:22 Referans Kwoze

Matthaiga 10:22

Egi wankshigra harnaj hornishig‐hirekjanihawina rash harnira hawau. Eshi hisha hoshejainja hipa hiwarnuxshagi hiungi niaimbkjanena.

Johnga 16:2

Wohokhu‐hojhieja hihinab nigigirekjanihawina. Hisgexjina howagixra jigi, peshe d’eninawigi, Maura wagire waushe hirekjanena.

Johnga 7:7

Manegirera inke hornish’ig ruxurug hirawinina, de‐eshi hush’ighirena wawagitagra manegiherera wore harninera shishig hireshe hihera esge.

Johnga 12:42

Shesgarnunige wang jornira horogeja roha harnaxguna. Eshi Pharisenaka e hawau inke hokarag‐hiranina, nigete wohokhu‐hojhieja hihinab‐wagigirege hirairege esge.

Hoixgara 24:5

Wang de‐e nakewesgeisha hereje hiaewina egi e khikshab wahijena Judra harnaj horoghireja managre harnaj, egi Naserenara howajehi‐khinera wajhoshura erena.

Hoixgara 9:16

Washa rokana hagiguiskjanena e rash harnira hawau hawekjanena.

Johnga 17:14

Hoit’e hashinira wagarna, egi managre wosh’igshana, inke manegi hereraninge esge, inke manegi hereaninige hiakisgena.

Lukga 21:17

Egi wankshigra harnaj hornish’ighirekjanihawina rash harnira hawau.

Matthaiga 10:39

Hisha wankshig‐hoira hik’egi xawanihikjanena, egi hisha wankshig‐hoira xawani‐karagigi Ne hawau‐waungi hik’ekjanena.

Hoixgara 22:22

Egi shejaixjipa hoit’era harnagixguinena egi higuana mashja hit’at’airena, wairena: Deshesgera manegi nigeoturawire, inke niamb‐jehi phinina.

Johnga 9:34

Hornigihairena egi wagairena: Harnaji washa woishana u wankshig‐sh’ina egi washa hinagigus‐kjanihawishe? Egi jangra hot’unairena.

Lukga 20:15

Egi habsinsh max jangeja hot’unairena, egi d’ehirena. Egi jagu habsinsh max hirukanara wagiunkjaneshe?

Matthaiga 10:18

Egi washirukanainja egi hungeja harnini hahirekjanihawina ne‐hawau, wihohi wirakirakjanena egi hirarujeja herera.

Lukga 6:21

Wogishawaxjira neninewina, donikewehi harajena shegunegi wainanaijanihawina. Wogishawaxjira neninewina raxagharajane shegunegi, hirakshakjanihawina.