Lukga 6:18 - Winnebego Bible Portions 1907

¹⁸ Egi jarnaga hawaki naxirag shishig hakishu u‐nankhi, egi rushjainena.

Lukga 6:18 Referans Kwoze

Hoixgara 5:16

Egi shige worohaxji jina hogigix jhinagananka eja howajirena Jerusalem eja hajirena, wankshig howashara wakaranine, egi she‐e naxirag shishig hawe‐wahinankhi egi harnaj rushja‐wahirena.

Matthaiga 17:15

Hirukanara, hinighara najogijane, wanaiwowonkjena, hawehirera rokanajena, dejankhi pej‐eja hokaneshununa, egi dejankhi ni‐eja hokaneshununa.

Matthaiga 15:22

Egi horuxujre Kanaan hinugisha hijej‐eja howajina egi giuwana, wena: Naj‐hungijane Hirukanara Dawid hinigra ninegaja, hinughara waxopinishishig hawehira rokana wagiunankshana.

Lukga 6:17

Egi wakishu harnukanagshana, egi hosunsheja hakirirena. Egi hornihe hironagananka, egi worohaxji wankshigra Judea mowagaxeja herera hisgeshana hajirena egi Jerusalem, egi Tirus egi Sidon tejejeja herera hajirena harnaxgu hajirena, egi howasha warninera rushjainekjege.

Lukga 6:19

Egi worohanka harnaj hikio‐nainena, eja homashja harnira hihinabjege esge, egi harnaj rushjainena.