Lukga 5:32 - Winnebego Bible Portions 1907

³² Inke phira wagigo hajinina, eshi washa woishana ura najgera wakarateg hirekjege.

Lukga 5:32 Referans Kwoze

Lukga 19:10

Wankshig‐hinigra wornijina egi niamb‐wahijina xawarninankhi.

Lukga 15:10

Esge wanigawina: Eja wogishawarnankshana waxopiniwarajirera Maura jowehieja, washa woishana ura hisha najgerakarateka.

Lukga 15:7

Hinigawina, shesgarnakshana wangregi herera hiraijera wogishawarnankshana washa woishana ura hisha najgerakarateka, kerepana‐hishankijushgunianaga‐hishankijushguni‐hashana wankshig phira e inke washa woishanana najgerakarategra hiuninanka she‐e worujis hiranana.

Hoixgara 3:19

Esge najgera‐karategwire, egi wakshawine, washa woishana washiniwira wanigit‐’unekjawina, niambwahira Hirukanara hishjahieja howajikjanena.

Lukga 24:47

Egi washa woishana u najgekarategra, egi washa woishana u wagit’une rash earnira wihokhuinegi phinana, wankshighokiraj horogeja, Jerusalem‐eja jorni uinekjanena.

Hoixgara 17:30

Egi inke hiperesni waura de‐e, Maura inke wajarni kikuna, eshi shegunegi wankshigra higu hajinja herera najgerakarateg wa’shina.

Hoixgara 2:38

Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.

Hoixgara 20:21

Wa’howakhuna Judra egi shige Hellenistra Maura eja hapahi najgera karateg hirekjege egi Hirukana harniwira Jesus Kristus harnaxgu hirekjege.

Hoixgara 3:26

Ne jorni hiranijiwina, Maura Hinigra Jesus kikawaahina, egi hugigianaga wogishawaniwina, washa woishana ura harnaj wakshanigigiwina.

Matthaiga 18:10

Hirakara‐uanje xununignagre hisha inke hosh’igwinianje, hisgexjina hinigawina waxopiniwarajire warnira wangreginagre hoishib Jajiga wangregi nagre hishjara hajarnakshana.

Hoixgara 5:31

E Maura hankshikerena nab‐hoishoro harnira hik’uanaga huinkjege egi wankshig‐hoi ruxurug. Egi Israel washa woishanara najgerakarateg wogakjege egi washa woishanara wagit’unekjege.

Markga 15:10

Hiperesjena, nabhoruxaj hirukana hungra rushjanehirega kiwassa wauinera.

Markga 15:7

Egi hisha hijarnakshana Barabbas higairera, e wakishu rusgijnankshana jarnaga wankshig rupuru hiregi wakishu hijarnakshana, e wankshig d’ehira, wankshig rupuruirega eja.

Matthaiga 9:13

Eshi rawire egi hipereswire jagu wagairera: Najwagijankjanena egi inke nabruxaj hiraningi. Inke phira wagigo hajinina, eshi washa woishana ura najgera‐karateg‐hirekjege.

Markga 2:17

Jaja Jesus naxgungi, wawagena: Jarnaga wanaishguni‐ankhi inke makhani hiuninankshana, eshi jarnaga howashakhi. Inke phira wagigo hajinina, eshi washa woishana ura najgerawakarateg hirekjege.

Lukga 5:31

Egi Jesus horniharna egi wawagena: Jarnaga wanaishguniankhi inke makhani hiuninankshana, eshi jarnaga howashakhi.

Lukga 5:33

Egi wagairena: Jagu‐u Johnga hironaghirera hantaginajkaireshe egi Maura gikarajire, egi shige shesgairena Pharise wironag warninera? De‐eshi waruj hiranaga egi rajganak.