Lukga 5:30 - Winnebego Bible Portions 1907

³⁰ Egi eja wowagax‐hiperesra nankshana egi Pharisera, haegiginankshana wironag warnieja wairena: Jagu‐u Publikanra egi washa woishana ura wakishu warajhashanakshe egi rajga warakishu‐shuwishe?

Lukga 5:30 Referans Kwoze

Hoixgara 23:9

Egi woxera rokana hirena. Egi wowagax hiperes Pharise eja herera nashinena egi wakitag‐hirena, wairena: Wang de‐e inke washinohire hiagiewinina. Egi naxiragra hisha nigeshge waxopiniwarajire hokit’arnanki, inke Maura hinkissarnikjawina.

Lukga 19:7

Egi jaja hajairegi, harnaj haehirena, wairena: Wang washa woishana uisha eja hokewena.

Lukga 5:21

Egi wowagax‐hiperesra egi Pharisera wewi‐hajiarairena, wairena: Peshe de‐e hereshe, Maura raxjashguni hit’at’arnagre? Peshe washa woishana wagit’une ruxurugnakshe, eshi Mau rashana?

Lukga 5:17

Egi wauna, hambisha eja washa wagigusnankshana, Pharisera hijarnankshana egi woehi hirukana hungra hija minagnankshana e Galilea mowagaxeja jhinagnankhi eja howajirena egi Judea mowagaxeja, egi Jerusalem‐eja. Egi Maura homashja harnieja nankshana, rushjawahira.

Markga 7:3

Pharisera egi judra harnaj inke waisgab ruj‐hiraninana inke jorni nab rushara rokana wauinaningi, xetera woshga warninera wawagiuine.

Lukga 18:11

Pharisera nashina egi gikarajshana inekhi wakigena: Maura wainiginabshana inke wankshig hijanenagra hiaki‐garnira wankshigt’ehikera, wowongra, hinug‐hikshakshakera, egi Publikan de‐e hiakisgarnira.

Lukga 7:39

Egi jaja Pharise waruj‐shijega hajagi, hikigena egi wena: Wang de‐e prophet hisha heregi, hinug jasgeisha herera hiperes‐shgunina hikiornagre, hinug washa woishana uisha heregaja.

Lukga 7:34

Wankshig‐hinigra jira, warujarnaga egi rajgajena, egi washawina: Horuxujre wankshig de‐e waroijxeteisha, egi nishuj hiksi‐isha herena, egi Publikanra egi washa woishana ura hijakoro wahina.

Matthaiga 5:46

Egi waworagixetewigi wornigixete‐nangwigi, hironigi‐wawinashe? Jasge inke Publikanra shesge hininankshe?

Matthaiga 9:11

Egi jaja Pharisera hajairegi wironag warnira wawagairena: Jagu‐u Hirukana hashiniwira Publikanra egi washa woishana ura wakishu warujnakshe?

Markga 2:16

Egi jaja wowagax‐hiperesra egi Pharisera hajairegi, publikanra egi washa woishana ura waruj wakishu unankhi, wironag warnira wawagairena: Jasgegaja waruj egi rajga publikanra egi washa woishana ura wakishu unakshe?

Markga 9:16

Egi wowagax‐hiperesnanka wawigiwaxshana, jaguisha hawau warakitagwishe?