Lukga 5:21 - Winnebego Bible Portions 1907

²¹ Egi wowagax‐hiperesra egi Pharisera wewi‐hajiarairena, wairena: Peshe de‐e hereshe, Maura raxjashguni hit’at’arnagre? Peshe washa woishana wagit’une ruxurugnakshe, eshi Mau rashana?

Lukga 5:21 Referans Kwoze

Johnga 10:33

Judra hornigihairena wairena: Wore phi sh’ungi inke she‐e hawau ini‐hironiji‐nainiajena, eshi Maura sharaxjashguni rajege esge, egi Ne wankshig‐ranigaja, Mau rakik’u‐rajege.

Lukga 7:49

Egi jarnaga warujeja wakishu minagkhi wakigairena: Peshe de‐e heregaja, washa woishana hishge wagit’uneshe?

Matthaiga 26:65

Esge nabhoruxaj hirukana hungjega wainira kurugas‐shana, wena: Maura raxjashgunina, jagu‐u hijaira wihohi hiunkjawishe? Horuxujwire, Maura raxjashgunira hinaxguwingaja.

Lukga 5:17

Egi wauna, hambisha eja washa wagigusnankshana, Pharisera hijarnankshana egi woehi hirukana hungra hija minagnankshana e Galilea mowagaxeja jhinagnankhi eja howajirena egi Judea mowagaxeja, egi Jerusalem‐eja. Egi Maura homashja harnieja nankshana, rushjawahira.

Matthaiga 9:3

Egi horuxujre wowagax hiperesra hota wakigairena: Wang de‐e Maura raxjashguni.

Lukga 3:8

Esge has phi haminagwire najgera karategwige, egi inke shesge hirawinianje, Abraham hianj‐hawira heregaja. Hisgexji warnigawina: Maura ruxurugnankshana ininagre kikawa‐awahianaga Abraham ninkjang warninana.

Lukga 5:22

Egi Jesus wagijarna wowewi warninera wornigiharna, egi wawagena: Najge washiniwieja jagu hirarashanakshe?