Lukga 4:23 - Winnebego Bible Portions 1907

²³ Egi wawagena: Jasgegi hoit’e de‐e hinagekjanihawina, makanira rushjakhina. Jagu Kapernaum‐eja sh’usa nanixguwishunura, ma‐hashinieja hishge shesge hire.

Lukga 4:23 Referans Kwoze

Markga 6:1

Egi eja nigiowarena, egi e mojabeja gina, egi wironag warnira hironag‐hirena.

Matthaiga 4:13

Egi Nasarethra t’unena, Kapernaum‐eja hahi‐jhina, e deja hijejeja‐nankshana, Sabulon egi Naphtalim moagax hojakenainja herena.

Johnga 4:28

Hinugjega ni‐rexra d’une egi jhinagra howakerena egi wankshigra wawagena:

Lukga 6:42

Egi jasgegaja rakhinubra waragarnashe, hinkhinubra noruxagnig hishjasu hashiniejaka dushoroijena, hishjasu hashinieja noikunuganka inke harakjanianaga? Waishjankeranigaja, hishjasu hashinieja noikunuganka jorni kurushoroj phiranigaja, egi hashjashgunina rakhinubra hishjasu harnieja noruxagniganka shurushorojnana.

Lukga 4:16

Egi Nasareth‐eja kirina, hajinja hoxetera eja. Egi houna shegu hishununa, Sabath hambgi wohokhu‐hojhieja hina, egi nashianaga (Mau hoit’era) ena.

Matthaiga 13:54

Egi jaja ma‐e hojabeja‐gigi, wohokhuhojhi harnineja washa wagigusra deshesge wahina khorairena, egi wairena: Wang de‐e washoiperes de‐e hajinja horus‐she, egi wore rokana de‐e?

Matthaiga 4:23

Egi Jesus Galilea mara harnaj howena wohokhuhojhi warnineja washa wagigus, egi hung‐ma woragphira wihokhunjena, egi howashara harnaj egi ro‐tegra harnaj rushja‐wahina wankshignanka horogeja.

Lukga 2:39

Egi jaja washara harnaj uinegi Hirukanara woehi harnira hiu, egi Galilea mowagaxeja hakja howakarairena, jhinag earnieja Nasareth.

Lukga 2:51

Egi wakishu kerena, egi Nasaretheja hagirena, egi wanakarax‐guxjina. Egi hiunira washa are harnaj warussana najge earnieja.

Lukga 4:31

Egi Kapernaum‐eja kirina, Galilea mowagax jhinaghisha, egi washa wagigus‐shana Sabath hambgi.

Lukga 4:35

Egi Jesus winakewehina, wena: Xapguni nashinge, egi eja hihinabre. Egi jaja waxopinishishigjega mainja hot’unegi horogeja, egi eja hihinabshana, inke washangishganina.