Lukga 4:18 - Winnebego Bible Portions 1907

¹⁸ Hirukanara Naxirag harnira hakishu hauanjena, esge hiwaxuna, worag‐phina wanajojaisgera wihowakhunkjege, egi huingigina najgesdagra rushjawahakjege.

Lukga 4:18 Referans Kwoze

Matthaiga 11:5

Hishjaningra wajanagre egi mani‐rushagra maninagre, lepra rushjahirare, egi nux‐ningra warnaxgu‐hirare, d’era niamb‐hirera, egi wanajojaisgera woragphira wawihokhuinena.

Hoixgara 10:38

Jasge hounahira Maura Jesus Nasareth‐eja herera Naxirag Wakanjangra hawaxuna egi homashjara, E rarnaga washophi una egi harnaj rushjawahina jarnaga waxopinishishig hawe‐hiuankhi, Maura hakishu unjege esge.

Lukga 7:22

Egi Jesus horniharna, wawagena: Karawire egi Johnga hogiragwiaje washa jagu hashjawire egi nanaxguwine. Hishjarningra wajairare, maninushagra manirare, lepra rushjairare, nuxningra warnaxguirare, d’era kikawaairare, wanajojaisgeja worag phira wihokhunangikjanena.

Hoixgara 26:18

Hishjasu warninera waragi‐shuruhaisjege, egi hokawasrogeja unankhi hohambeja howa‐kireaguirekjege, egi Satan homashjainja unankhi Maura eja howa‐kireaguirekjege, washa woishana warninera wagit’unairekjege egi hoishjanera wakishu rus‐hirekjanena jarnaga harnaixgunangra e wakanjang‐wahirera.

Johnga 12:46

Managre eegi hohambra Newine hajina, higu peshe harnaixgungi inke hokawaseja unjanikjanena.

Matthaiga 4:16

Wankshig de‐e hokawasrogeja minagnagra hohamb xete hajairena, egi jarnaga ma‐sheja egi hot’e hoirahasieja minagnankhi hohamb jinaghirena.

Matthaiga 5:3

Wogishawarnankshana naxirag wanajojaisgera, hungma wangregi herera earninege.

Lukga 6:20

Egi hironagananka wokuruxujshana egi wena: Wogishawaxjira neninewina wanajojaisgera, Maura hungma harnira neashiniwinge esge.

Johnga 3:34

Esge E Maura hugigina, Maura hoit’e harnira a‐jena, esge Maura inke Naxiragra higus hok’unina.

Johnga 1:41

E jorni khinubra Simon hiena, egi wagena: Messias hiegaja, Kristus ewairena.

Matthaiga 12:20

Raxge kshabrera inke shishre‐wahinikjanena, egi hotaxij‐jegi inke giseb‐hinikjanena, warninanaga woehira wirahi‐hiarnaga wawanakjanena ejipa.

Hogusra 3:15

Egi hokikjekijab ninkjanihawina nenine‐anaga egi hinugjane, egi su washinira egi hinugjane su warnira. Egi nassu hashinira nanixux‐hirekjanena, egi sikerejgeja hasharaxjaikjanena.

Hoixgara 4:27

Hisgexjingaja jhinag‐egi sto‐khinegaja, ware wakanjank hashinira Jesus E hashawaxuna hakirairegaja, Herodes egi Pontius Pilatus egi hirarujeregi herera wakishu egi Israel wankshigra,

Matthaiga 12:18

Horuxujre ware harnira, E haijhana, wagixetera, E naxirag harnira giphixjina. Naxirag harnira hashukjanena, egi hirarujeja herera woehira wogiraikjanena.

Lukga 4:17

Egi eja prophet Esaias wawagax harnira hokuinena. Egi jaja wawagaxra ruhasgi, wowagax de‐e eja hiena:

Hoixgara 4:26

Hung manegi herera nashinena, egi washinukanara sto‐khinena Hirukanara hakhiraire, egi Kristus harnira hakhiraire.