Lukga 3:1 - Winnebego Bible Portions 1907

¹ Egi ma kerepana‐haishanaga hisaja‐hashanainja Tiberius Kaiser herenak’u, egi Pontius Pilatus Judea mowagaxra hirukananakshana, egi Herodes tetrarxra erena Galilea mowagaxeja, egi khinubra Philip tetrarxra erena Iturea mowagaxeja, egi Traxonitis mara, egi Lisanias tetrarxra erena Abilene mowagaxeja,

Lukga 3:1 Referans Kwoze

Lukga 2:1

Egi hambeja herena, Kaiser Augustus managre harnaj kiwagax wa’shina.

Matthaiga 27:2

Egi rusgij‐hiranaga nigeharni‐howarairena, egi mowagax hirukanara Pontio Pilato eja rushjarehirena.

Hoixgara 26:30

Egi jaja deshesge e‐gi, hungra nashina egi mowagax hirukanara egi Bernike egi jarnaga wakishu minagra.

Hoixgara 24:27

Eshi ma‐nupahangaja Porkius Festus Feliks hominagra hominagshana, egi Feliks Judra giphi‐wahinai Paulus rusgij d’unarena.

Hoixgara 23:26

Klaudius Lisias hinikaragireharna hung phixji Feliksra.

Hoixgara 4:27

Hisgexjingaja jhinag‐egi sto‐khinegaja, ware wakanjank hashinira Jesus E hashawaxuna hakirairegaja, Herodes egi Pontius Pilatus egi hirarujeregi herera wakishu egi Israel wankshigra,

Lukga 23:24

Egi Pilatus wawornagijena, jagu rogunagra wagiunkjanena.

Lukga 9:7

Egi Herodes tetrarxga, washara jarnaga Jesus wagiunga harnaj naxguna, jagu ekjenisgena, hota wairena: Johnga d’arnanka eja howakiri niambshana airege esge.

Lukga 3:19

Egi Herodes tetrarx‐hisha herena Johnga higibarna, Herodias hawau e Herodes khinubra Philipga hijawira heregajerena, egi Herodes jarnaga washinohirera ungi Johnga higena.

Markga 6:17

Herodes exji rewagigianaga egi Johnga harukoswagigina, egi hornassanaga rusgijshana, Herodias hawau, khinubra Philip hijawina, Herodes khananke.

Matthaiga 14:3

Herodes Johnga harukossana egi rusgijanaga egi jhihornassena, Herodias wauna e Herodes khinubra Philip hijawina herena.

Matthaiga 14:1

Shejanagaja Herodes tetrarxra Jesus hornaxguna.

Hogusra 49:10

Skeptra inke Juda khirujarni‐kjanena egi shige woehi wogara inke si hojakenainja khirujarni‐kjanena Shiloh jigi ejipa, wankshigra she‐e harnaxguinekjanena.

Matthaiga 14:6

Egi jaja Herodes hamb‐hojuinera hiragigi worujxete uinena, Herodias hinugra wa’shina jowehireja, egi Herodes giphina.

Matthaiga 22:17

Esge hungiragwire jagu hiraregishi? Kaiser woirowera hokura phinashe, nigeshge inke shesgarnishe?

Markga 6:21

Egi jaja hamb houngiphira jigi Herodes hamb hojuine harnieja hoxjarna woruj hirukana warnira wagiuna egi manape hung xetera egi Galilea mowagaxeja wang washinukana xetera.

Lukga 13:31

Hambeja Pharisera eja hisge hajirena, wagairena: Hihinabre, egi nigiowakarare, Herodesga d’enikjanege esge.