Lukga 24:47 - Winnebego Bible Portions 1907

⁴⁷ Egi washa woishana u najgekarategra, egi washa woishana u wagit’une rash earnira wihokhuinegi phinana, wankshighokiraj horogeja, Jerusalem‐eja jorni uinekjanena.

Lukga 24:47 Referans Kwoze

Hoixgara 5:31

E Maura hankshikerena nab‐hoishoro harnira hik’uanaga huinkjege egi wankshig‐hoi ruxurug. Egi Israel washa woishanara najgerakarateg wogakjege egi washa woishanara wagit’unekjege.

Hoixgara 2:38

Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.

Hoixgara 20:21

Wa’howakhuna Judra egi shige Hellenistra Maura eja hapahi najgera karateg hirekjege egi Hirukana harniwira Jesus Kristus harnaxgu hirekjege.

Hoixgara 13:46

Egi Paulus egi Barnabas wa’shoshe jijerena, egi wena: Mau hoit’era jorni ne hironikit’awigi phinana, eshi hajhawina shawajiswina egi inke wankshighoi hisgejaija here phi hiranana‐kikiwinina, horuxujwire, hirarujeja herenagre eja wawatekjanihawina.

Matthaiga 28:19

Esge rawianaga egi wankshig‐hokirajra harnaj washa wagiguswire, niwawaxuwianje Hianj‐hirera rash harnira hiu egi Hinigra egi Naxirag wakanjangra.

Hoixgara 11:18

Jaja washa de‐e naxguinegi inke xab‐hiranina, egi Maura rajankhirena, wairena: Egi hisgexji hirarujeregi herera hishge washa woishana najgekarateg egi wankshighoi Maura wogagaja.

Hoixgara 26:18

Hishjasu warninera waragi‐shuruhaisjege, egi hokawasrogeja unankhi hohambeja howa‐kireaguirekjege, egi Satan homashjainja unankhi Maura eja howa‐kireaguirekjege, washa woishana warninera wagit’unairekjege egi hoishjanera wakishu rus‐hirekjanena jarnaga harnaixgunangra e wakanjang‐wahirera.

Matthaiga 3:2

Egi wena: Najgerakarategwire, wangregi hung‐mara jiginige esge.

Hogusra 12:3

Egi washophi howe‐wahakjanena washophi howeninegi, egi washoshishig howekjanena, washoshishig howenigi. Egi ne‐hawau manegi jhinagra washophi howairekjanena.

Hoixgara 10:43

E prophetra harnaj horaghirena rash harnira hiu higu peshe harnaxgungi washa woishana warninera wagit’unairekjanena.

Hoixgara 4:12

Egi inke wankshig‐iwahi hijane junina, inke rash hijanera manegi wankshigra wogairanina, e niamb‐wangahikjawi.

Hoixgara 3:19

Esge najgera‐karategwire, egi wakshawine, washa woishana washiniwira wanigit‐’unekjawina, niambwahira Hirukanara hishjahieja howajikjanena.

Hoixgara 28:28

Esge hiperesniwina, Maura wankshighoi harnira hirarujeja herera wawirahi hirena, egi naxgu hirekjege.

Hoixgara 26:20

Eshi jorni Damaskus‐eja unangra wawagitagshana egi Jerusalem‐eja, egi Judra mowagaxra harnaj egi hirarujeja herera wawagitagshana, najgerakarateg hirarnaga egi Maura hawakshainekjege egi najge‐karateg woshga uinekjege.

Lukga 13:34

Jerusalem, Jerusalem e prophetra d’ewahina egi ini wiraisagshana eja howarewagigirera, hoja jarnaha ninkjang washinira stowaharnaiguni, bagawaxge hinugra ning‐warninera ahu khuhainja sto‐wakshuireshunura shesge, egi inke sh’uwinina.

Matthaiga 9:13

Eshi rawire egi hipereswire jagu wagairera: Najwagijankjanena egi inke nabruxaj hiraningi. Inke phira wagigo hajinina, eshi washa woishana ura najgera‐karateg‐hirekjege.