Lukga 23:5 - Winnebego Bible Portions 1907

⁵ Egi higu arnakshana wairena: Wankshigra warupurujena, Judea mara harnaj washa wagigus houna, Galilea‐eja jeg‐u hurna, egi ma tegi.

Lukga 23:5 Referans Kwoze

Johnga 2:11

Jesus wowakanjangra jegjikerehina Kanainja Galilea mowagaxeja, egi hiperes‐hirekhi gloria harnira, egi hironagananka harnaxguinena.

Johnga 1:43

Haininegi Jesus Galilea eja howarena, eja hiena Philipga egi wagena: Hiroinagre.

Markga 1:14

Egi hageja Johnga jhi‐hornassairena Jesus Galilea‐eja kirina, Maura hungma woragphi harnira wihokhunjena.

Matthaiga 4:23

Egi Jesus Galilea mara harnaj howena wohokhuhojhi warnineja washa wagigus, egi hung‐ma woragphira wihokhunjena, egi howashara harnaj egi ro‐tegra harnaj rushja‐wahina wankshignanka horogeja.

Hoixgara 23:10

Egi jaja wopunusesgera rokanagi manape hung xetera naxirena Paulus ruxaxabhirege hirege, esge manapera harnukanag wa’shina egi horoghireja harni‐hihinabhirena egi manape hojhieja harni hoikawairena.

Hoixgara 10:37

Hiraperes‐wigaja washaisha horaghirera Judeara harnaj egi Galilea eja jeg unena, niwawaxu hageja e Johnga horagshana.

Hoixgara 7:57

Egi mashjaxji uwainena egi nux‐hopox warninera wakawasunsh hirena egi hagakiraha harnaj harnihimbhirena.

Hoixgara 7:54

Jaja washa de‐e naxguinegi, najge warninera wamakunug hireguni hirewahina egi hi‐harusge‐sgexji hirena.

Hoixgara 5:33

Jaja she‐e naxguinegi najgera wamakunukuni hirewahina egi d’ewahirekje airena.

Johnga 19:15

Egi uwainena: Nigehot’unare, nigehot’unare! Naramiheja haisarajre. Pilatus wawagena: Naramiheja haisaraijeshe hung hashiniwira? Nabhoruxaj hirukana hungra hornihairena: Inke hung hinjuwinina Kaisergashana herena.

Johnga 7:52

Hornigihairena egi wagairena: Nishge Galilearanishe? Hornianaga egi horuxujre, Galilea‐eja inke prophetra hisha howajinina.

Johnga 7:41

Hijanera wairena: Kristus de‐e eregaja. Egi hota wairena: Jagu Galilea‐eja Kristus howajikjaneshe?

Lukga 23:23

Egi higu uwara arnakshana, naramiheja haisaraj nangi‐inankshana. Egi uwananka hereanaga egi nabhoruxaj hirukana hungra rokanaxji uwarnankshana.

Lukga 11:53

Egi washa de‐e wawigena, wowagax hiperesra egi Pharisera mashja wogiteghirena egi washara rohaxji higiwaxhirena.

Matthaiga 27:24

Egi jaja Pilatus inke washa raxurugnira hajagi, eshi hiraijera mashja airege, ni russana egi nabra kurusharna worohanka jowehireja, wena: Wang phi de‐e wai harnieja inke ne hiaishananina, hajash’u‐harajawingaja.

Matthaiga 2:1

Egi jaja Jesus Bethlehem Judea moagaxeja jhuinegi, Herodes hungra wankshig‐iniharegi, horuxujre, wang wanaiksab wiaxebhuregi howaji Jerusalem‐eja hajirena.

Matthaiga 11:1

Egi wauna, jaja Jesus wironag nup‐hashana warnira uwashira rashjangi, eja wakiruje rena, jhinag warnineja washa wagigusanaga egi wahokhuna.

Lukga 23:6

Jaja Pilatus Galilea naxgungi, hiwaxshana wangjega Galilea wankshig hisha hereguni.