Lukga 23:25 - Winnebego Bible Portions 1907

²⁵ Egi girushjanehina hisha wankshigra warupuranaga egi wat’ehira egi jhi‐hornassairera e roguinera, eshi Jesus rushjanehirena jagu rogunagra.

Lukga 23:25 Referans Kwoze

Hoixgara 3:14

Eshi shawajiswina Wakanjang hisha herera egi Phisha herera, egi roraguwina wankshig‐d’ehisha herera hornik’uinekjawige.

Markga 15:15

Egi Pilatus wankshigra giphi‐wahinaina, Barabbas wagirushjarehina, egi Jesus rushjarehina naramiheja haisaraj‐hirekjege, jaja washa pahi higipsinsh rushjainegi.

Johnga 18:40

Egi harnaj shige uwainena, wairena: Inke wang de‐e herenikjena, eshi Barabbas herekjena. Barabbas wankshig‐d’ehishe herena.

Lukga 23:5

Egi higu arnakshana wairena: Wankshigra warupurujena, Judea mara harnaj washa wagigus houna, Galilea‐eja jeg‐u hurna, egi ma tegi.

Lukga 23:2

Egi washinaraj hajiarairena, wairena: (Wang) de‐e wankshignagre egi hinakewe wahijau hia’ewina, egi Kaiser hirowegigira roxijena, wajena, Kristus hungra hereshe hikigena.

Matthaiga 27:26

Egi shejanagi Barabbas wawagi‐rushjarehina. Egi jaja Jesus washa pahi higipsinsh rushjanegi, wagirushjarehina naramiheja haisaraj‐hirekjege.

Lukga 23:24

Egi Pilatus wawornagijena, jagu rogunagra wagiunkjanena.

Lukga 23:26

Egi jaja nigeowarniarairegi, hisha harukos‐hirena Simon higairera Kirene eja hereisha, hirarujeja howajina, egi e naramihera k’ingigirena, e Jesus gik’inhironaikjege.

Johnga 19:16

Esge wagirushjanehina naramiheja haisaraj‐hirekjege. Egi Jesus rus‐hirena, egi nigeowe‐rutiharairena.