Lukga 22:70 - Winnebego Bible Portions 1907

⁷⁰ Egi harnaj wairena: Maura Hinigra nenineshguni? Egi wawagena: Shesge hishawige, egi newineajena.

Lukga 22:70 Referans Kwoze

Lukga 23:3

Egi Pilatus higiwaxshana wena: Judra hung harninera nenineshe? Egi hornigiharna wena: Shesge hishegaja.

Markga 15:2

Egi Pilatus higiwaxshana: Judra hung harninera nenineshe? Egi hornigihashguni, wagena: Hisharajane shesgajena.

Matthaiga 27:11

Egi Jesus mowagax hirukana joweja nashina. Egi mowagax hirukanajega wigiwaxshana wena: Judra hung harninera nenineshe? Egi Jesus wagena: Hisharajane shesgajena.

Matthaiga 26:64

Jesus wagena: Hishare shesgena. Egi wanigena, epa Wankshig‐hinigra hashjakjanihawina homashjara hoishorohieja minagnainkjanena, egi wangregi maxiwieja jikjanena hashjakjanihawina.

Johnga 19:7

Judra hornigihairena: Woehisha harniwira egi woehi harniwira eja hot’e kikuruxurugshana, Maura Hinigra e‐here kik’unjege esge.

Johnga 18:37

Esge Pilatus wagena: Hung ranishgunishe? Jesus horniharna. Hisgewa’shena hung harnina. Deshesge wankshigha‐ina, egi deshesge hawau manegi hajina, wogisogra hotaikjege. Jarnaga wogisogkhishi hora naixguinena.

Johnga 10:36

She‐e waragawishe hisha Hianjihiwira wakanjankhira, egi manegi howahuhira: Ne Maura sharaxjashgunina hiragawi, Maura Hinigra Newinena hihera esge.

Johnga 10:30

Ne‐winianaga egi Jajiga hishankira harniwina.

Johnga 1:49

Nathanael horniharna egi wagena: Rabbi, Maura Hinigra neninegaja, Israel hung harninera neninegaja.

Johnga 1:34

Egi hajharna, egi hornigitagwina She‐e Maura Hinigra herena.

Lukga 4:41

Egi waxopinishishigra hishge roha hihinabshana, uwainena egi warnakshana: Kristus Maura Hinigra neninegaja. Egi winakewewahina inke hit’at’awinine, hiperesnankshana Kristus herejera.

Markga 14:62

Egi Jesus wena: Newinena, egi Wankshig‐hinigra hashjakjanihawina homashjara hoishoro‐hieja minagnaikjanena egi wangregi maxiwieja jikjanena hashjakjanihawina.

Matthaiga 27:54

Egi jaja manape hungjega egi wakishu‐unjegi Jesus hirakara, mara hixgangi hajairena egi washa jagushana uinegi, naxirera rokana hirena, wairena: Hisgexji de‐e Maura Hinigra heregaja.

Matthaiga 27:43

Maura hinashina, shegunegi girushjane‐higigiwire, gijire rogunankhi. Wena: Maura Hinigra newinena.

Matthaiga 4:3

Egi jaja wawiunjara hirajigi wena: Maura hinigra neninegishi, ininagre wawigege waisgabduj hirekjena.

Matthaiga 3:17

Egi horuxujre, wangregi hora howajina, wena: De‐e hinigha wagixetera herena, E hakaraipixjina.

Matthaiga 26:25

Egi Judas, e himanaikjanera horniharna egi wena: Hirukanara inkeshi newinenishe? Wagena: Hishare shesgena.

Lukga 22:71

Egi wairena: Inke hiraijera wihohi hiunikjanihawina, nexji hinaxguwingaja E iarnieja.