Lukga 22:53 - Winnebego Bible Portions 1907

⁵³ Hambokahi wohokhu‐hojhixeteja harnikishu hauwina, inkaga hisha hinakisharawini nab renawinishunura, eshi howagix de‐e niashiniwina, egi hokawasra homashja harnira.

Lukga 22:53 Referans Kwoze

Johnga 12:27

Shegunegi naxirag harnira najgerategjena, egi jagu hihekjeshe? Jaji niambwine howagix tegi. Eshi de‐e ewau howagix eegi hajina.

Hoixgara 26:18

Hishjasu warninera waragi‐shuruhaisjege, egi hokawasrogeja unankhi hohambeja howa‐kireaguirekjege, egi Satan homashjainja unankhi Maura eja howa‐kireaguirekjege, washa woishana warninera wagit’unairekjege egi hoishjanera wakishu rus‐hirekjanena jarnaga harnaixgunangra e wakanjang‐wahirera.

Johnga 7:45

Egi nabhoruxaj hirukana hungra egi Pharisera ware warninera hagiregi, egi wawagairena: Jagu‐ungaja inke hashinina‐kiriwinishe?

Johnga 14:30

Epa inke hornikit’exjinikjanihawina: Ma‐degi hungra jikjanena egi inke washa hingienikjanena.

Johnga 7:30

Egi rus‐hiunjaxjinena, egi inke hisha nab‐rehinina, howagix earnira kheni higirenige esge.

Matthaiga 21:23

Egi jaja wohokhu‐hojhixeteja hokewegi egi washa wagigus‐jau nabhoruxaj hirukana hungra egi wankshigra xete warninera hirajirena, egi wairena: Homashja jaguisha hiu washa de‐e sh’ushe egi homashja de‐e peshe hornik’ushe?

Lukga 22:52

Egi Jesus nabhoruxaj hirukana hungnanka wawagena egi manape hungnanka wohokhu‐hojhixeteja herera egi xetera: Hirajirega wankshigd’ehi hirajinisge rawi, wigijgux egi wiwapox harni.

Lukga 22:54

Egi harukos‐hirena, egi harniankarairena egi nabhoruxaj hirukana hung hojhieja harniangirena. Egi Peter harixji hironagshana.

Johnga 13:30

E nige russana, higuana hihinabshana, egi hanhena.