Lukga 22:22 - Winnebego Bible Portions 1907

²² Egi jasgegi Wankshig‐hinigra kerekjanena, shegu hirege, eshi hawekjanena hisha wimanakjega.

Lukga 22:22 Referans Kwoze

Hoixgara 2:23

E Maura rushjarehina wogus‐shjainja egi washa joweja hoiperes‐harnieja, shuruswina, egi nab wowong hiu naramiheja haraisarajwina egi d’erawina.

Lukga 24:46

Egi wawagena: Shesge wagaxankshana, Kristus hawegi phinkjanege, egi d’arnagra eja kikawa‐ahowakirikjanena hamb hitanihainja.

Johnga 17:12

Manegi wakishu hauanjeregi wirakarajena rash hashinira hia‐uanaga. She‐e woirak’una wirakarajena, egi inke hisha xawarninina, hinig xawarni‐nashana, wowagaxra exji herekjege.

Markga 14:21

Jasgegi Wankshig‐hinigra wowagax‐eja jasge wagaxhirera eowakshana, eshi hawekjanena wang‐jagura hisha Wankshig‐hinigra himanakhi, wang she‐e phi howarnana inkaga wankshig‐iningishi.

Matthaiga 26:24

Wankshig‐hinigra wowagaxeja jasge wagaxhirera eowakshana eshi hawekjanena wang‐jagura hisha Wankshig‐hinigra himanakhi, wang she‐e phi howarnana inkaga wankshig‐iningishi.

Hogusra 3:15

Egi hokikjekijab ninkjanihawina nenine‐anaga egi hinugjane, egi su washinira egi hinugjane su warnira. Egi nassu hashinira nanixux‐hirekjanena, egi sikerejgeja hasharaxjaikjanena.

Matthaiga 27:5

Egi shura‐sgananka wohokhuho‐jhixeteja wot’unena, egi nigeowakaranaga egi rarnaga egi doxorushga kikuna.

Lukga 22:23

Egi hikiwax hajiarairena peshe washa de‐e waunkjanegi.

Hoixgara 10:42

Egi wankshignagre wahokhu hi’shiwina egi horag, E Maura ungigina waehisha herekjege niambra egi d’arnanka eja.

Hoixgara 17:31

Esge hambisha wamangirajshana eja managre woehiphiwi‐giunkjanena, Wang she‐e gijana hiu, E wankshigra harnaj harnaxgu wogarnaina, she‐e hiuanaga d’arnagraeja niamb howakirihina.