Lukga 21:36 - Winnebego Bible Portions 1907

³⁶ Esge hirakara uwianje egi hoishib gikarajwiaje, e washinkisge ningikarab‐hirekjanihawina, hokishib washa de‐e herekjanega eja, egi washinkisge Wankshig‐hinigra jowehieja nanashikjanihawina.

Lukga 21:36 Referans Kwoze

Matthaiga 25:13

Esge hirakara‐uwine, hamb hajinja egi howagix hajinja Wankshig‐hinigra jikjanegi inke hiraperes‐winina.

Matthaiga 24:42

Esge hirakara‐uwine, inke hiraperesni‐harajena Hirukana hashiniwira howagix hajinja jikjanegi.

Lukga 18:1

Egi washa hisgeraisha wirogiragshana e wagigusjege, wankshignagre hoishib gikaraj‐hirekjege egi inke rushjairanikjege.

Markga 13:33

Hirakara‐uwine, hirakarawige egi gikarajwire, inke hiraperesni harajena jajanegi herekjanegi.

Matthaiga 26:41

Hikhiwine egi gikarajwire inke washa woishana uwahieja horakit’u‐sharanikjawina. Naxiragra hisgexji giphinangnunige eshi rora inke mashjanina.

Markga 13:37

Egi jagu hinigawire harnaj warnigawina, hirakara‐uwine.

Hoixgara 10:2

Wang phisha herena egi Maura nakewena egi jhiharnira harnaj wakarakishu, e wankshigra washa wogara roha wogarna, egi hoishib Maura gikarajshana.

Lukga 20:35

Eshi jarnaga washinkisgairera ma‐she‐e ruxurughirena egi hakiha wankshig‐inekjanena, inke kikanag‐hiranikjanena egi shige inke kikanag wagigiranikjanena.

Matthaiga 8:20

Egi Jesus wagena: Washerekesira mopox harninankshana egi wanig wangregi herera homa harninankshana, eshi wankshig‐hinigra inke washanisha harninina hajinja nassura khanaikje‐nisgena.

Matthaiga 24:43

Eshi de‐e wewiwianje: Jhi‐hirukanara hiperesgi howagix hajinja wamanukera jikjanegi, hirakaranana, egi jhi harnira inke gixux hokewe‐gigininana.

Matthaiga 24:44

Esge nishge hikoroho‐hajanje, howagixra hisha‐eja inke shesge shewewini‐harajau Wankshig‐hinigra jikjanena.

Lukga 1:19

Egi waxopiniwarajirajega horniharna egi wagena: Gabriel newinena, Maura jowehieja nashishununa, egi huingigina hornigitaikjege, egi worag phi de‐e hiperesnikjege.

Lukga 21:35

Mas‐haraxjag higiunisge wagigirekjanena jarnaga ma‐ihagregi uankhi.