Lukga 20:47 - Winnebego Bible Portions 1907

⁴⁷ Egi e hikanagit’e jhi‐warninera jeb‐wahinankshana egi Mau gikaraj serej unankshana wajairekjege, e washoshishig howera hijairairekjanena.

Lukga 20:47 Referans Kwoze

Markga 12:40

E hikhanagit’era wojhirera jeb‐wahinankshana, egi Maura gikaraj serej unkhi‐nankshana. Esge de‐e hiraijera hawera rokana hirekjanena.

Lukga 12:1

Waunaka eja jaja wankshigra hogihixete rohaxji stogi, harnakishi uinena, Jesus hironaghirera wawagena: Inke washinjahina hisha hikisgarnina hirakikarawiaje Pharisera winawohi harninera, hipokrisira herena.

Matthaiga 23:13

Eshi harawekjanihawina wowagax‐hiperesra egi Pharisera, hipokrit raniwina. Wankshinagre hungma wangregi herera wornaragissawina, ne inke hijora‐kawawini‐anaga egi shige jarnaga hijokewe‐naiankhi inke waragish’uwinina.

Matthaiga 23:14

Harawekjanihawina wowagax‐hiperesra egi Pharisera, hipokrit raniwina, hikhanagitera jhi wojhirera jebwaragigiwige egi gikaraj serej unakhiwinge, esge hawera hiraijera xete shuruiskjanihawina.

Lukga 20:46

Wowagax hiperesnagre eja hirakikarawiaje, e wonashi serej hornashi mani rogunagre, egi woruwieja hikaraghirera giphinankshana, egi waminag hankshi haminagnankshana, wohokhu‐hojhieja egi worujeja.

Lukga 21:1

Egi woruxujshana egi wang hitajera wajarna shurahoshueja shura hoshunankshana wawogairege.