Lukga 2:10 - Winnebego Bible Portions 1907

¹⁰ Egi waxopiniwarajirajega wawagena: Inke naxirawinine, horuxujwire worag phi harnigarni hajiwina, wogishawaxji wahi wankshignagre harnaj harninena.

Lukga 2:10 Referans Kwoze

Matthaiga 28:18

Egi Jesus jiarnaga egi wawokit’ena, wena: Homashjara harnaj hunkuinena wangregi egi manegi herera.

Hogusra 12:3

Egi washophi howe‐wahakjanena washophi howeninegi, egi washoshishig howekjanena, washoshishig howenigi. Egi ne‐hawau manegi jhinagra washophi howairekjanena.

Matthaiga 14:27

Egi higuana Jesus wawokit’ena, wena: Wanaishguni uwine, newinena inke naxirawinine.

Lukga 1:30

Egi waxopiniwarajirajega hinugjega wagena: Inke naxiranine Maria, Maura najonijara hish’ege esge.

Hoixgara 13:32

Egi woragphi hornigitag hajena hianj‐hiwahiwira jagu wamagirajgi.

Lukga 24:47

Egi washa woishana u najgekarategra, egi washa woishana u wagit’une rash earnira wihokhuinegi phinana, wankshighokiraj horogeja, Jerusalem‐eja jorni uinekjanena.

Lukga 8:1

Egi hageja herena, Jesus jhinagra harnaj wouna egi jhinag xununigra wahokhu egi worag phira Maura hungma harnira wogirag. Egi nup‐hashanara wakishu wauna.

Lukga 1:19

Egi waxopiniwarajirajega horniharna egi wagena: Gabriel newinena, Maura jowehieja nashishununa, egi huingigina hornigitaikjege, egi worag phi de‐e hiperesnikjege.

Lukga 1:13

Egi waxopiniwarajirajega wena: Inke naikawanine Saxarias. Mau‐gikarajra nanixguinena, egi hijawinaga Elisabeth hojinjinigra hisha harnigarnikjanena egi rashra Johnga hiragekjanena.

Markga 1:15

Egi wena: Hereginina egi Maura hungma harnira hiwusunsh jina, najgera‐karategwire, egi woragphira harnaxguwine.

Markga 16:15

Egi wawagena: Managre harnaj howarawire egi wankshigra harnaj worag phira wihokhuwiaje.

Matthaiga 28:5

Egi waxopiniwaraj‐hirajega horniharna egi hinugnanka wawagena: Inke ne naxirawinine, hiaperes‐hajena Jesus horani harajera, E naramiheja haisaraj hirera.

Lukga 2:11

Dawid jhinag harninegi hamb de‐e wankshig‐hoi ruxurughisha wankshigningi‐iwina Kristus Hirukanara erena.