Lukga 19:47 - Winnebego Bible Portions 1907

⁴⁷ Egi hambhokahi wohokhu‐hojhixeteja washa wagigussana. Egi nabhoruxaj hirukana hungra egi wowagax hiperesra egi wang rokanara d’ehinainena.

Lukga 19:47 Referans Kwoze

Markga 11:18

Egi wowagax‐hiperesra egi nabhoruxaj hirukana hungra naxguinena, egi jasgehiranaga d’ehiranagi horninena. Nakawairena, wankshigra harnaj wogus earnira gixixhirege esge.

Matthaiga 26:55

Howagixeja Jesus worohanka wawagena: Wamanuke hiraji hinagish’uwishe, wigijgux egi wiwapox hashini rajiwi hishgurajiwigi? Hambga harnikishu mianag hajena wohokhuhojhixeteja washa ningiguswi egi inkaga hinshurukoswinina.

Johnga 18:20

Jesus horniharna: Harusharani manegirera wakit’ena, hoishib wohokhu‐hojhieja egi shige wohokhu‐hojhixeteja washa ningiguswina, eja Judra hoishib hahirena, egi inke washarisha nuxawa hiharnina.

Johnga 10:39

Esge shige harukosnainena, egi rugash‐rehirena.

Johnga 7:44

Egi hota harukos roguinena, eshi inke hisha nabrehinina.

Johnga 7:19

Jasge Mosesga inke woehira hornik’uwinishe? Egi inkisha woehira ragish’uwinina. Jagu‐u howe d’einananashiwishe?

Markga 14:1

Hambra nupahanaga hageja Pasxa worujra hereanaga egi waisgab winawohi rokanira herena. Egi nabhoruxaj‐hirukana hungra egi wowagax‐hiperesra jasge‐hiranaga washokit’une hiranaga rus‐hiranagi horninena egi d’ehiranagi.

Markga 12:12

Egi harukos‐nainena, eshi wankshigra wanakawairena, washinsgera wirokit’arnaka e wakira wera hipereshirege. Egi t’une egi nigeowakarairena.

Matthaiga 21:23

Egi jaja wohokhu‐hojhixeteja hokewegi egi washa wagigus‐jau nabhoruxaj hirukana hungra egi wankshigra xete warninera hirajirena, egi wairena: Homashja jaguisha hiu washa de‐e sh’ushe egi homashja de‐e peshe hornik’ushe?

Markga 14:49

Hambga harnikishu hauanjena wohokhu‐hojhixeteja washa ningiguswi egi inke hinshurukos‐winina. Eshi jasgegi wowagaxra exji herekjanena.

Lukga 19:48

Egi inke washa houphi washa hieranina, wankshigra harnaj mashja harnaxguxjinege esge.

Lukga 20:19

Egi nabhoruxaj hirukana hungra egi wowagax hiperesra howagix eja harukos‐nainena, egi wankshigra warnakawairena, hiperes‐hirena washinsgera de‐e wawirokit’are ewawagewege esge: