Lukga 18:43 - Winnebego Bible Portions 1907

⁴³ Egi higuana wajarna egi hironagshana, Maura rajanggankshana egi wankshigra harnaj jaja hajairegi Maura rajanghirena.

Lukga 18:43 Referans Kwoze

Hoixgara 26:18

Hishjasu warninera waragi‐shuruhaisjege, egi hokawasrogeja unankhi hohambeja howa‐kireaguirekjege, egi Satan homashjainja unankhi Maura eja howa‐kireaguirekjege, washa woishana warninera wagit’unairekjege egi hoishjanera wakishu rus‐hirekjanena jarnaga harnaixgunangra e wakanjang‐wahirera.

Hoixgara 11:18

Jaja washa de‐e naxguinegi inke xab‐hiranina, egi Maura rajankhirena, wairena: Egi hisgexji hirarujeregi herera hishge washa woishana najgekarateg egi wankshighoi Maura wogagaja.

Hoixgara 4:21

Egi hiraijera winakewe wahirena, egi kerewagigirena, inke hawewahi washa wigieranige, wankshignanka eja hawau, wankshigra harnaj Maura gloria‐giginanke washa uinega esge.

Lukga 13:17

Egi jaja washa de‐e e‐gi, hakiranankhi harnaj hiroshighirena, egi wankshigra harnaj wogishawairena, washa xete phira harnaj wagiunge esge.

Lukga 5:26

Egi harnaj khorairena egi Maura rajankhirena, egi nakewera rokanainena, wairena; Hamb de‐e washa jeg hajawigaja.

Lukga 4:39

Egi hija hijena, egi rotakajanka ushina, egi rushjana, egi higuana kikawa‐ana, egi wawagirena.

Matthaiga 21:14

Egi hishjarningra egi manirushagra wohokhu‐hojhixeteja hirajirena, egi rushjawahina.

Matthaiga 11:5

Hishjaningra wajanagre egi mani‐rushagra maninagre, lepra rushjahirare, egi nux‐ningra warnaxgu‐hirare, d’era niamb‐hirera, egi wanajojaisgera woragphira wawihokhuinena.

Matthaiga 9:8

Egi jaja worohanka hajairegi, khorairena, egi Maura rajankhirena, E homashja shesge wankshigregi wogage.

Lukga 19:37

Egi jaja Oliw xera hanukanagrera hiwusunsh higi, worohanka hironag warnira wogishawaxji egi Maura rajank mashjaxji ajiarairena wowakanjangra roha hajairege esge.

Lukga 9:43

Egi harnaj khorairena Maura hoxete harnira hiu. Egi jaja wankshigra harnaj khorairegi Jesus e washa ura harnaj, hironag warnira wawagena: