Lukga 18:32 - Winnebego Bible Portions 1907

³² Hirarujeja rushjane‐hirekjanena, egi igixjairekjanena, egi washingagairekjanena, egi hashoirekjanena.

Lukga 18:32 Referans Kwoze

Lukga 23:11

Herodes egi wawokishgara wakarakishu, Jesus inke wankshighiranairanina egi igixjairena, egi waini sgaxji hogiwaxug‐hirena, egi Pilatus shige eja howarehirena.

Hoixgara 3:13

Abraham egi Isaak egi Jakob Mau harninera, hianj‐hiwahiwira Mau harninera, glori‐gigirena Hinigra Jesus, E shurushja‐rerawina egi khibarawina Pilatus jowehieja jaja girushjanehina‐ira.

Markga 14:65

Egi hota hasho hajiarairena egi hishjara hagirukainena egi nab‐hirojinena egi wagairena: Prophetre. Egi warera nab‐ruparas hirojinena.

Matthaiga 26:67

Egi hishjara hoshoirena, egi nab‐ruporog hirojinena egi hijanenanka nab‐ruparas hirojinena.

Matthaiga 16:21

Epa Jesus wironag warnira wawogiragshana, jasgegi Jerusalem‐eja howaranaga egi washara rohaxji hawekjanegi, xetera wauinekjanena egi nabhoruxaj‐hirukana hungra egi Wowagax‐hiperesra, egi d’ehirekjanegi egi hamb hidani‐hangi shige kikawa‐akjanegi.

Hoixgara 2:23

E Maura rushjarehina wogus‐shjainja egi washa joweja hoiperes‐harnieja, shuruswina, egi nab wowong hiu naramiheja haraisarajwina egi d’erawina.

Johnga 18:35

Pilatus horniharna: Jud‐hisha wineshe? Wankshig washinira egi nabhoruxaj hirukana hungra ninushja huhirena, jagu sh’ushe?

Johnga 18:30

Hornihairena egi wagairena: Inke wigishanaisha herenigi, inke ningitushjareha hajiwininana.

Johnga 18:22

Egi she‐shesge e‐gaja warananka hisha hija nashinjegi Jesus (hishja‐eja) nabruparas hirojina wena: Nabhoruxaj hirukana hungra worniragihagi de‐shesge wirageshe?

Lukga 23:35

Egi wankshigra woruxuj‐nankshana. Egi washinukanara hishge hija‐unankshana, igixjanankshana, wairena: Hijanera niamb‐wahijegaja, niambkinkjena, Kristus E herejegi, Maura waijana hisheregi.

Lukga 23:1

Egi worohanka harnaj nashinena egi Pilatus hagarniahirena.

Matthaiga 27:2

Egi rusgij‐hiranaga nigeharni‐howarairena, egi mowagax hirukanara Pontio Pilato eja rushjarehirena.

Johnga 18:28

Egi Jesus harni harairena Kaiaphas eja howahi woehi hojhieja harniahirena, hainixjinig herena. Egi exji inke woehi hojhieja hokawairanina, inke shishig‐khinanikjege, eshi e Pasxa worujra ruj‐hirekjege esge.

Markga 15:1

Egi haininegi higuana nabhoruxaj hirukana hungra, xetera egi wowagax‐hiperesra egi waehira harnaj wakishu haehirena, egi Jesus rusgij‐hirena, egi nige harniowarairena, egi Pilatus hagarniahirena.

Matthaiga 20:19

Egi hirarujeja hereja rushjane‐hirekjanena igixjairekjege egi washa pahi higipsinsh‐hirekjanena egi nanamiheja haisaraj‐hirekjanena egi hamb‐hidanihangi kikawa‐ankjanena.

Matthaiga 22:6

Egi hijanenanka ware warnira warus‐hiranaga egi wawikshakshahirena egi d’ewahirena.

Lukga 18:33

Egi washa pahi higipsinsh‐hirekjanena, egi d’ehirekjanena, egi hamb hitanihainja shige kikawa‐ankjanena.

Johnga 18:32

Jesus hoit’e arnihera exji herena, jagu era, hot’e jagu hit’ekjanegi wijanti hokaragra.