Lukga 17:6 - Winnebego Bible Portions 1907

⁶ Egi Hirukanara wena: Harnaxgura mustard su hirakisgexjiwingi, Sikamin na de‐e waragawinana, rejura hikirushorojre egi tejainja hokishure, egi nigiunkjanihawina.

Lukga 17:6 Referans Kwoze

Matthaiga 17:20

Egi Jesus wawagena: Inke harnanaxguwinige wauna. Hisgexjina hinigawina, harnaxgu hashiniwira mustard sura hisha hikisgexjingi xe‐de‐e waragawinana, hawinjeja hoixanane, egi gixananana, egi inke washara hisha nigijexi‐wininana.

Matthaiga 21:21

Jesus horniharna egi wawagena: Hisgexjina hinigawina, harnaxgu hashiniwingi egi inke khibarawinigi, inke Fig‐nanagreshana shesge waragigiwininana, eshi xenagre waragarnana, gixanane egi tejainja hokit’unare hiragegi, nigiunana.

Markga 9:23

Jesus wagena: Harnaxgu shuruxurugkhi, hisha harnaxgungi washara harnaj ruxurugnana.

Lukga 13:19

Mustard sura hishankira hikisgena, wankshigisha russana, egi max earnieja hoshuna, egi axebshana, egi hahi na xetexjina, egi ahuirassa wangregi herera najega akarajgera hojhirena.

Lukga 19:4

Egi joweja hornuwangshana, egi Sikamore na‐hisha eja hotina, hajakjege, e hahiowekjanege.

Markga 4:31

Mustard su‐isha hikisgena, e jaja mainja hoshuiregi, managre eegi washa surakhi xunuxjinigra herena.

Lukga 7:13

Egi jaja Hirukanara hinuganka hajagi, najogijana, egi hinugjega wagena: Inke xagnine.

Lukga 7:19

Egi Johnga hironagnankhi nupiwi gigorna, Jesus eja howarewagigina, wairekjege: Neninesha hisha jikjanegi, nigeshge hijanera hisha hotuxuijanihawishe?

Lukga 17:7

Egi hisha warera hashiniwingi ma‐rupurujegi nigeshge wanoijge wakanagigi, jaja maxeja howakirigi, wagarnashe, minagarnaga warujre?

Matthaiga 14:29

Egi wena: Hure. Egi jaja Peter wajeja dampgi, nira hamanina, Jesus eowarena.