Lukga 17:25 - Winnebego Bible Portions 1907

²⁵ Egi jorni washara roha hawekjanena, egi wankshighoi de‐e wajis‐hirekjanena.

Lukga 17:25 Referans Kwoze

Matthaiga 16:21

Epa Jesus wironag warnira wawogiragshana, jasgegi Jerusalem‐eja howaranaga egi washara rohaxji hawekjanegi, xetera wauinekjanena egi nabhoruxaj‐hirukana hungra egi Wowagax‐hiperesra, egi d’ehirekjanegi egi hamb hidani‐hangi shige kikawa‐akjanegi.

Lukga 9:22

Wena: Wankshig‐hinigra washara roha jasgegi hawekjanena, egi washinukanara wajis‐hirekjanena, egi nabhoruxaj hirukanara egi wowagax hiperesra, egi jasgegi d’ehiregi phinana, egi niaimbkjanena hamb hidanihainja.

Markga 8:31

Egi washa wagigus‐jirena, Wankshig‐hinigra jasgegi washara roha hawekjanena, egi xetera egi nabhoruxaj hirukana hungra egi wowagax‐hiperesra wajis‐hirekjanegi, egi d’ehirekjanegi egi hamb hitanihainja niaimbkjanena.

Johnga 1:11

E‐warnige wirajina, egi ewarninunige inke rus‐hiranina.

Lukga 18:33

Egi washa pahi higipsinsh‐hirekjanena, egi d’ehirekjanena, egi hamb hitanihainja shige kikawa‐ankjanena.

Markga 12:10

Jasge wowagax de‐e inke hashjawineshe: Inisha, e jhiura nigiot’unairegi e ini haminag hopassera hahi‐herenana.

Matthaiga 21:42

Jesus wawagena: Jasge inkaga wowagaxeja hashjawinishe: Inisha e jhiura nigiot’unairegi e ini haminag hopassera hahi herenana? Maura E shesge hina, egi hajara khorewahina.

Johnga 12:38

Egi Esaias prophetra hoit’e harnira jagu era, shesgena: “Hirukanara, peshe harnaxgushe wohokhu harniwira? Egi peshe Hirukanara arnira hiperes‐hishe?”

Lukga 24:46

Egi wawagena: Shesge wagaxankshana, Kristus hawegi phinkjanege, egi d’arnagra eja kikawa‐ahowakirikjanena hamb hitanihainja.

Lukga 18:31

Egi nuphashanara wakaragigorna egi wawagena: Horuxujwire, Jerusalemra howainekjawina, egi washara harnaj prophetra wagaxhirena Wankshig‐hinigra wagairera, herekjanena.

Markga 10:33

Horuxujwire, Jerusalemra howarahawina, egi Wankshig‐hinigra rushjare‐hirekjanena nabhoruxaj‐hirukana hungeja egi wowagax‐hiperes‐eja, egi hot’era horaghirekjanena, egi hirarujeja herera wagirushja rehirekjanena.

Markga 9:31

Egi wironag warnira washa wagigus‐shana egi wawagena: Wankshig‐hinigra wankshig nab‐eja horushjarehirekjanena, egi d’ehirekjanena, egi d’ehiranaga hageja hamb hidanihangi kikawa‐ankjanena.