Lukga 17:16 - Winnebego Bible Portions 1907

¹⁶ Egi si‐hieja hakarashu jimpshana, wainginabshana, egi e Samarit wankshig hisha herena.

Lukga 17:16 Referans Kwoze

Matthaiga 10:5

Nup‐hashana de‐e Jesus re‐wagigina egi uwashina wena: Inke hirarujeja herera wowa‐rawinianje, egi Samaria wankshig jhinag warnirera inke wokawa winianje.

Hoixgara 1:8

Eshi homashja hashinikjanihawina, Naxirag Wakanjangra hiranijiwigi hageja, egi ne worag harninikjanihawina Jerusalemra, egi Judeara harnaj egi Samariara egi manegi harixjinankhi woragi‐sharagikjanihawina.

Johnga 4:9

Egi Samaria hinugjega wena: Jasgegaja Judranigaja ni‐rajga hinagita, Samaria hinug harnina, Judnagre Samarianagre inke hokikishganinankshana?

Johnga 8:48

Egi Judra hornihairena egi wagairena: Inke phiwahawininashe Samarit‐wankshig‐ranina, egi waxopinishishig hisha hashinina?

Johnga 5:23

Wankshigra harnaj Hinigra gish’aghirekjanena, Hianjihiwira hoish’agra hikisgekjanena. Hisha Hinigra inke gish’agenigi, Hianjihiwira inke gish’aginikjanena, E hugigina.

Lukga 5:8

Simon Peter jaja hajagi, egi mainja himpshana Jesus jowehieja, wena: Hirukanara hijahi howakarare, washa woishana u wankshig harnige.

Markga 5:33

Eshi hinugra naxirena egi gissasana, jagu giuinera hikiperesge, hiarnaga egi jowehieja himpshana, egi wogisogji harnaj hogiragshana.

Matthaiga 2:11

Egi jaja jhieja hokawairegi, ninkjangnigra hajairena, hiunira Maria hakishu, egi mainja himb‐hirena egi gikarajhirena. Egi jaja washa jexi hoshura wakuru‐eregi, washa woga hokuinena, shurasi egi frankinsense egi mirrh.

Hogusra 17:3

Egi Abram hishjara mainja herehi himpshana, egi Maura hokit’ena wena:

Lukga 17:17

Egi Jesus horniharna, wena: Jasge inke kerepanaisha rushjanishe? Jasge hishankijushguni hiwishe?