Lukga 16:15 - Winnebego Bible Portions 1907

¹⁵ Egi Jesus wawagena: Neninewine, e wankshignagre jowehireja phi harakikarashiniwina, eshi najge washiniwira Maura wawiperesnankshana. Egi washanisha wankshignagre horogregi gish’agjihirega, Maura hajara mashja hosh’ignakshana.

Lukga 16:15 Referans Kwoze

Hoixgara 15:8

Egi Maura, E najgera wawiperes‐jena, wawogiragshana Naxirag Wakanjangra wawogaga wangagiuwira shesgena.

Lukga 11:39

Egi Hirukanara wagena: Pharise raniwira ni‐wirajgara egi wasgera hihagra sge‐warawina, eshi rog hashinira washa wanashekera hornixjina egi wowongra.

Lukga 10:29

Eshi e khiraphinai wena, Jesus wagena: Peshe hiakipusunshgi hereshe?

Johnga 2:25

Egi inke hisha hogiragninana wankshigra jasgarnagra, wankshigra jasgarnagra wiperesjege esge.

Matthaiga 23:5

Eshi worera jranaga unagra wankshigra hajairekjawi wagiunankshana, Seniba wowagaxra paras wakaraginankshana egi waini warninera ugra hiraijera xete wawajenankshana.

Lukga 18:21

Egi wena: Washa de‐e harnaj phiharna hixununigreja hipa.

Lukga 18:11

Pharisera nashina egi gikarajshana inekhi wakigena: Maura wainiginabshana inke wankshig hijanenagra hiaki‐garnira wankshigt’ehikera, wowongra, hinug‐hikshakshakera, egi Publikan de‐e hiakisgarnira.

Hoixgara 1:18

Egi wang de‐e max‐hisha ruwina, wankshigd’ehi woirowera hiu, egi shibrena, kissag gikunugshana, egi ujwoshura harnaj hihinabshana.

Lukga 20:47

Egi e hikanagit’e jhi‐warninera jeb‐wahinankshana egi Mau gikaraj serej unankshana wajairekjege, e washoshishig howera hijairairekjanena.

Lukga 20:20

Egi hirakarairena, egi wawesiwira rewagigirena wanaiksab hiranakik’ina, hoit’e hirokit’une hirekjege, de‐shegu hiregi egi waehieja harniahirekjanena egi shige hung homashja warninera jowehireja.

Matthaiga 6:16

Egi jaja hantara‐ginajwigi, inke hishjara najgeteg winianje woishjankera jasgaire‐shunura wikisgawinianje, hishja‐warninera hijawakaragirena, hantaginaj‐nagra wankshigra hajairekjawige. Hisgexjina hinigawina woirowera kurusnankshana.

Matthaiga 6:5

Egi jaja ragikarajgi, hipokritra jasgarnangra inke shesgarnianje. E wohokhuhojhieja egi naguhoxete hopasseja nashinarnaga wankshigra hajairekjawige. Hisgexjina hinigawina woirowe harninera kurusnankshana.

Matthaiga 6:2

Esge jaja washa woga hashinira shunkjegi, inke joweraija duduera hisha howexu‐hiranikjena, hipokritra wohokhuhojhieja egi naguhoxeteja shesge hireshunura, wankshigra warajankhirekjege, hisgexjina hinigawina, woirowera kurusnankshana.

Johnga 21:17

Hitanihana higena: Simon Jona, woiragixeteshe? Peter najgerategshana, hitanihana higege woiragixeteshe? Egi Peter wagena: Hirukanara washara harnaj hiraperes‐rajegaja, hiraperes‐rajegaja wornigixetera. Jesus wagena: Jhasga warnira waruj woigik‐uanje.

Lukga 18:9

Egi washa hisgera de‐e ena, hota phi hiranakik’inankhi, egi hijanera wosh’ignankhi, wawagena:

Lukga 18:14

Hornigitagwina wang de‐e hojhieja howakerena phiuinena, hijanejega inke shesgegigiranina. Jarnaga rokana hiranakik’ingi she‐e xununig‐hirekjanena, egi hisha xununig hakikaranigi e rokanakjanena.

Hoixgara 1:24

Egi gikaraj‐hirena egi wairena: Hirukana ranira, wankshigra harnaj najgera wiraperes‐rajegaja, hipereswiwine nup hajane waraijangi.