Lukga 15:10 - Winnebego Bible Portions 1907

¹⁰ Esge wanigawina: Eja wogishawarnankshana waxopiniwarajirera Maura jowehieja, washa woishana ura hisha najgerakarateka.

Lukga 15:10 Referans Kwoze

Lukga 15:7

Hinigawina, shesgarnakshana wangregi herera hiraijera wogishawarnankshana washa woishana ura hisha najgerakarateka, kerepana‐hishankijushgunianaga‐hishankijushguni‐hashana wankshig phira e inke washa woishanana najgerakarategra hiuninanka she‐e worujis hiranana.

Lukga 13:5

Inka‐a hornigitagwina, eshi inke najgera rakarategwinigi, hishge harnaj shesge shjekjanihawina.

Matthaiga 18:14

Egi shesgarnakshana Hianjrawiga wangreginagre xununignagre shesgera hisha xawarnigi inke giphininana.

Hoixgara 11:18

Jaja washa de‐e naxguinegi inke xab‐hiranina, egi Maura rajankhirena, wairena: Egi hisgexji hirarujeregi herera hishge washa woishana najgekarateg egi wankshighoi Maura wogagaja.

Lukga 7:47

Esge hinigena: Hinugnagre washa woishana warnira rohana wagit’unairena, wogixetera rokanage esge. Eshi hisha jowexjinig git’unegi, e jowexjinig wogixetenana.

Matthaiga 18:10

Hirakara‐uanje xununignagre hisha inke hosh’igwinianje, hisgexjina hinigawina waxopiniwarajire warnira wangreginagre hoishib Jajiga wangregi nagre hishjara hajarnakshana.

Hoixgara 5:19

Eshi Hirukanara waxopiniwarajire harnira haheregi jhiwornasse jhirobra waruhassana egi harni‐wihinabshana egi wena:

Matthaiga 10:32

Higu peshe wankshig‐joweja hunkaragkhi e hishge Jajiga wangreginagre jowehieja wakaraikjanena.

Lukga 12:8

Egi shige hinigawina: Higu peshe wankshig jowehireja harnaixgungi hokarakhi, hishge Wankshig‐hinigra Maura waxopiniwarajire warnira jowehireja hokaraikjanena.

Lukga 12:9

Eshi higu peshe wankshig jowehireja khibaikingi, hishge Maura waxopiniwarajire warnira jowehireja khibahakinkjanena.

Lukga 15:9

Egi jaja hiegi hijakoro wahira egi wawikiwusunsh jhira sto‐wahinana warnana: Wogishawa hinkishu uwine shurasgaisha xawarnihara hiak’ege esge.

Lukga 15:11

Egi Jesus wena: Wankshig hisha nupiwi hinighina.