Lukga 14:32 - Winnebego Bible Portions 1907

³² Inke shesge ruxurugnigi, hijanenanka higu harixji hahuhairegi, woragra regiginana, egi washanisha wagiuankhi wagi‐uanaga rashguni hirekje karatanana.

Lukga 14:32 Referans Kwoze

Hoixgara 12:20

Egi Herodes mashja wawosh’igshana, Tirus hajhira egi Sidon. Eshi harnaj warnaina hishankira hi‐hirajirena, egi hungnaka jhirukana harnira Blastus higairera hijakoro khinena egi rashguni rogu gitairena, ma warninera waruj hungnaka manieja howajiake esge.

Lukga 12:58

Jaja hisha haeraki sheregi hirukanainja, nagueja sharashegi sh’uxjianaga rakhishib nanash’inana, e inke waehi eja harnini hinikjege, egi waehira warukoseja ninushjarehinana, egi warukosnanka jhiwornasse hojhieja hornit’urairanana.

Matthaiga 5:25

Haerakhira xapge rashguni khianje harakishu sharasharegi, nigete haerakhira waehira‐eja wornigarnaga, egi waehira warukoseja wornigarnaga egi jhi‐hornanissekjanena.

Matthaiga 5:42

Hokuanje nigita‐gishi, egi hisha worniginaj jigi inke rushag keregiginianje.

Lukga 14:31

Shige egi hung jagurisha, hung hijanera hisha kisaikorohogi, jasge inke jorni minaganaga, egi haekaragininashe, jasgekjanegi hogihixete‐kerepanaisha wirakira ruxurugkjanegi, hahuhairegi wakirakjanegi hogihixetekerepananup hiuinekjanegi?

Lukga 14:33

Jarnaga raniwira shenisga winana, jarnaga washara harnijegi, inke harnajwat’uranigi inke wironag Ne‐harnininana.

Lukga 19:14

Egi wankshig warnira hosh’ighirena egi worag ruxegigirena wairena: Wang de‐e inke hinukananikjanihawina.