23 Egi hirukanara warajega wagena: Nagu‐hoxeteja howarare egi nawajageja egi waraxurugna‐ianje hokawairekjena, jhi harnira e hoixjinkjege.
Esge hiperesniwina, Maura wankshighoi harnira hirarujeja herera wawirahi hirena, egi naxgu hirekjege.
Egi jaja hakirairegi egi raxjashguninegi, wonashina karaisinsh‐shana egi wawagena: Wa‐i washiniwira nassu washiniwieja nagikjanena, hinsgehajena, epa hirarujeja hereja wawatekjanena.
Eshi Hirukanara wagena: Ranane, e wiroku hiaunkje gijainena, rash harnira harniunkjege hirarujeja herera jowehireja egi hungeja egi Israel ninkjangeja.
Esge wanigawina: Maura hungma harnira ningirushirekjanihawina egi wankshig‐howajehieja wogairekjanena e hasra Maura wagarni‐hahirekjanena.
Egi jaja ni‐hawaxuinegi egi hojhira harnaj, hinugjega hinaxurug‐naiwina, wena: Hirukanara harnaxgu hirainashiwingishi jhi wajhieja hokawawire, egi eja hiwushawire, egi hahi‐hinaxurugwina.
Egi raxurugnainena wagairena: Hinkishu hiwushawire, hoxjarnaginige esge, egi hambra jowe harnaj hiunarnaginige. Egi hijokewena wakishu hiwusharna.
Egi higu peshe hini‐harnini‐anaga wigus hisha harnikishu re‐naingi, wigus nup hakishu raje.
Egi warajega wena: Hirukanara jagu uinashira hauna egi higu hokaragiagshana.
Hisgexji wanigena: Jarnaga wankshigra waruj washirera inke hisha hoxjarnaworuj harnira harajabnikjanena.