Lukga 14:21 - Winnebego Bible Portions 1907

²¹ Egi warajega gina egi hirukanara washa de‐e hogiragshana egi jhi‐hirukanara wogitegshana, egi ware harnira wagena: Xapge jhinag nagu‐hoxeteja howarare egi nagu‐hoxununigeja, egi wanajojaisgera warnikiriaje, egi hokishigra egi manirushagra, egi hishjaningra.

Lukga 14:21 Referans Kwoze

Lukga 14:13

Eshi jaja waruj waragishungi, wanajojaisgera, hokishigra, manirush’agra, hishjarningra waruj washiaje.

Matthaiga 11:5

Hishjaningra wajanagre egi mani‐rushagra maninagre, lepra rushjahirare, egi nux‐ningra warnaxgu‐hirare, d’era niamb‐hirera, egi wanajojaisgera woragphira wawihokhuinena.

Johnga 9:39

Egi Jesus wena: Woehira herekjanege, esge maegi hajina, jarnaga inke wajarniankhi wajairekjanena, egi jarnaga wajakhi hishjaraning hirekjanena.

Lukga 14:24

Hisgexji wanigena: Jarnaga wankshigra waruj washirera inke hisha hoxjarnaworuj harnira harajabnikjanena.

Lukga 24:47

Egi washa woishana u najgekarategra, egi washa woishana u wagit’une rash earnira wihokhuinegi phinana, wankshighokiraj horogeja, Jerusalem‐eja jorni uinekjanena.

Matthaiga 11:28

Hiraijiwire, jarnaga warera egi wak’in skingre k’ira, egi hoxgasigi hornikunkjawina.

Lukga 9:10

Egi Apostelra jaja hakja hagiregi, hogiraghirena harnaj jagu uinegi. Egi Jesus wakishurena egi inekhi mojainainja herena howarega, jhinagisha eja Bethsaida higairera.

Matthaiga 18:31

Egi ware wakishura hajairena jagu ura, mashja najgerateghirena, egi hakiriranaga egi hirukana harninera harnaj hogiraghirena jagu uinera.

Matthaiga 15:12

Egi wironag warnira hirakirirena egi wagairena: Hiraperesshe Pharisera wogiteg‐hirera washa de‐e hishera naxguinera?

Lukga 14:20

Egi hijaneisha wena: Hinug hakanake esge inke hiduxurugnina.

Lukga 14:22

Egi warajega wena: Hirukanara jagu uinashira hauna egi higu hokaragiagshana.

Matthaiga 20:7

Wagairena: Inke hisha ware hish’irawinige esge. Egi wawagena: Hishge habsinsh max harnieja howarawire, egi higu jagu phira shuruisjawina.