Lukga 13:14 - Winnebego Bible Portions 1907

¹⁴ Egi wohokhu‐hojhi hirukanara wogiteg horniharna, Jesus Sabath hambregi hisha rushja hige esge, egi wankshigra wawagena: Hambra akeweha hajena, wankshigra hambeja warairekjege, esge hambeja hajiranaga egi rushjakhiwine egi inke Sabath hambeja.

Lukga 13:14 Referans Kwoze

Hoihinab Wowagaxra 20:9

Hambra akeweha washerekjanena egi wore hashinira harnaj g’uanje.

Matthaiga 12:2

Eshi jaja Pharisera hajairegi, wagairena: Horuxujre, hironag washinira washa de‐e unankshana woehieja e Sabath‐hambregi ura roxirera.

Lukga 6:7

Egi wowagax‐hiperesra egi Pharisera hirakarairena, Sabath hambeja rushjahiege hirairege, e washinarajhirekje hirakirairekje higienainankshana.

Lukga 8:41

Egi horuxujre wangisha jina Jairus higairera wohokhu‐hojhi hirukanara herena. Egi Jesus si‐hieja jimpshana, egi gitarna eojhieja hisheshi hirege.

Markga 5:22

Egi horuxujre, wohokhu‐hojhi hirukanaisha jina, Jairus higairera egi jaja hajagi si‐hieja jimpshana.

Hoixgara 18:17

Egi Hellenistra harnaj Sosthenes wohokhu‐hojhi hirukanara rus‐hirena egi waehi waminag joweja hojinena, egi Gallion washa de‐e inke hisha washa hiranina.

Hoixgara 18:8

Egi Krispus wohokhu‐hojhi hirukanara herena Hirukanara harnaxguna hojhira harnaj wakarakishu. Egi Korinth wankshigra roha naxguankshana harnaxgunakshana, egi ni‐wawaxuhirena.

Hoixgara 13:15

Egi woehira egi prophet wowagaxra e‐rashjainegi hageja wohokhu‐hojhi hirukanara wirahiwagigina wairena: Wangra egi hikhinubwira, wankshignagre hoit’era hisha wiragekjawigi awire.

Lukga 6:11

Egi mashja wogiteghirena, egi hokikit’airena, Jesus jasge gigirekjegi.